काठमाण्डौ । मंगलबार सेयरबजारमा सामान्य अंकको गिरावट आएको छ । नेप्से परिसूचक ९.६२ अंकले घटेर २६०३.७१ विन्दुमा कायम भएको छ ।
नेप्सेमा सूचीकृत ३६३ कम्पनीको १ करोड १० लाख ६९ हजार ७४ कित्ता सेयर किनबेच हुँदा ४ अर्ब ६५ करोड रुपैयाँमाथिको सेयर कारोबार भएको छ ।
विज्ञापन
आज निर्जीवन बीमा समूह र अन्य समूह बाहेकका सबै समूहमा रातो रङ पोतिएको छ । निर्जीवन बीमा समूह ०.११ प्रतिशतले घटेको छ भने अन्य समूह ०.१२ प्रतिशतले बढेको छ ।
सर्वाधिक घट्नेमा व्यापार समूह रहेको छ । यो समूह आज १.८७ प्रतिशतले घटेको छ ।
त्यस्तै, बैंकिङ समूह ०.१३ प्रतिशत, विकास बैंक समूह ०.४५ प्रतिशत, फाइनान्स समूह ०.३२ प्रतिशत, होटल तथा पर्यटन समूह ०.६५ प्रतिशत, हाइड्रो समूह ०.५२ प्रतिशत, लगानी समूह ०.२२ प्रतिशत, जीवन बीमा समूह ०.३७ प्रतिशत, उत्पादन तथा प्रशोधन समूह ०.५० प्रतिशत, माइक्रोफाइनान्स समूह ०.५५ प्रतिशत र म्युचुअल फण्ड समूह ०.४३ प्रतिशतले घटेको छ ।
आजको बजारबारे नेपाल इन्भेष्टर्स फोरमका उपाध्यक्ष राजन लम्साल भन्छन्, ‘आज नेप्से परिसूचक सामान्य अंकले घटेको छ । यो घटाई सामान्य रुपमा नै लिनुपर्छ । सरकारले पूँजीबजार सुधारको लागि राम्रो नीतिहरु ल्याएको छ । बजारमा सामान्य घटबढ देखिनु स्वभाविक हो र यसलाई सामान्य रुपमा नै लिनुपर्छ । लगानीकर्ताहरु अहिलेको समयमा अझैपनि ‘पर्ख र हेर’को अवस्थामा नै छन् । दीर्घकालिन लगानी गर्नका लागि यो उचित समय पनि हो । सूचीकृत विभिन्न कम्पनीहरुले धमाधम लाभांश घोषणा गरिरहेका छन्, यस्तो समयमा राम्रो कम्पनी छनोट गरी लगानी गर्दा उचित हुन सक्छ । सम्भवतः चाडपर्व सकिएलगत्तै बजारमा विस्तारै सुधार देखिन सक्छ ।’
मंगलबार, असोज १३, २०८३
मंगलबार, असोज १३, २०८३
