विराटनगर । साउन ७ गतेका लागि तय गरिएको कोसी प्रदेश सभाको बैठक सरेको छ। अब यो बैठक साउन ११ गते आइतबार दिउँसो १ बजे बस्ने भएको छ।

कोसी प्रदेश सभा सचिवालयले सोमबार सूचना प्रकाशित गर्दै बैठक सारिएको जानकारी दिएको हो। यसअघि भोलि (बुधवार) दिउँसो १ बजेका लागि बैठक बोलाइएको थियो।

बिज्ञापन

कार्यवाहक प्रदेश सभा सचिव गौतमराज अमात्यका अनुसार, चालु सातौं अधिवेशनको २३ औं बैठक विशेष कारणले निर्धारित मितिमा सम्भव नभएकाले साउन ११ गतेका लागि सारिएको हो।

सचिवालयले सूचना जारी गर्दै सबै प्रदेश सभा सदस्यहरूलाई बैठक मिति परिवर्तन भएको जानकारी गराएको छ।

×

❮

❯