विराटनगर

विराटनगर जेलमा सजाय काटिरहेका एक कैदीको मृत्यु

नोट: यो समाचार ५ महिना अघिको हो

बुधबार, असार ११, २०८२ | बिहान ७:२१ बजे

विराटनगर जेलमा सजाय काटिरहेका एक कैदीको मृत्यु

विराटनगर । लागुऔषध सम्बन्धी मुद्दामा मोरङ जिल्ला कारागारमा सजाय काटिरहेका एक कैदीको उपचारका क्रममा मृत्यु भएको छ।

कारागारका जेलर गौरव ढुङ्गेलका अनुसार मोरङको सुनवर्षी नगरपालिका–२ का २४ वर्षीय उमेश दर्जीको मंगलबार साँझ विराट शिक्षण अस्पताल, बुढीगंगामा उपचारका क्रममा निधन भएको हो।

बिज्ञापन

ड्रग्ससम्बन्धी मुद्दामा दोषी ठहरिएपछि २०८१ पुस ४ गतेदेखि कारागारमा रहेका दर्जीलाई ज्वरो र खुट्टा सुन्निने समस्या देखिएपछि जेठ ३० गते कोशी अस्पताल भर्ना गरिएको थियो। त्यहाँ उपचार सम्भव नभएपछि असार ३ गते उनलाई थप उपचारका लागि विराट शिक्षण अस्पताल लगिएको थियो।

तर, लामो समयको उपचारपछि पनि स्वास्थ्यमा सुधार नआएपछि मंगलबार साँझ ७:५० बजे उनको मृत्यु भएको कारागार प्रशासनले जनाएको छ

*** समाप्त ***