विराटनगर । विराटनगरको हाटखोलास्थित मोरङ कारागारबाट कैदीबन्दीहरूले भाग्ने प्रयास गरेपछि प्रहरीले हवाई फायर गर्नु परेको छ।

प्राप्त जानकारी अनुसार, नाराबाजी गर्दै कैदीहरूले कारागारको मुख्य गेट तोड्न खोजेपछि स्थिति नियन्त्रणमा लिन नेपाल प्रहरीले १६ राउन्ड हवाई फायर गरेको हो।

बिज्ञापन

कैदीबन्दीका आफन्तहरू समेत कारागारको गेट अगाडि आएर होहल्ला गर्न थालेपछि प्रहरीले स्थिति नियन्त्रणमा लिन हवाई फायर गरेको थियो। हाल उनीहरूलाई पनि त्यहाँबाट हटाइएको छ।

आफन्तले होहल्ला गर्न थालेपछि कैदी भाग्ने प्रयास भएको जानकारी पाउनासाथ सुरक्षाकर्मीहरूको थप टोली परिचालन गरिएको र अहिले कारागार परिसरमा सुरक्षा व्यवस्था कडा बनाइएको छ।

प्रहरीका अनुसार हाल स्थिति पूर्ण रूपमा नियन्त्रणमा छ।

×

❮

❯