अमेरिकाले हान्यो बंकर बस्टिङ बम, इरानी दाबी : ‘स्थलहरू पहिल्यै खाली थिए ’
नोट: यो समाचार ३ महिना अघिको हो
आइतबार, असार ०८, २०८२ |
साँझ ६:२९ बजे
अमेरिकाले बंकर बस्टिङ बम हान्याे तर इरानी दाबी : ‘स्थलहरू पहिल्यै खाली, थिए ’
तेहरान ।अमेरिकाबाट इरानमाथि भएको हवाई आक्रमणपछि इरानले आफ्ना परमाणु स्थलगत संरचनामा ठूलो क्षति नभएको दाबी गरेको छ। इरानको सरकारी टेलिभिजनका उप–राजनीतिक निर्देशक हसन अबेदिनीका अनुसार, आक्रमण हुनुभन्दा पहिल्यै अधिकांश संवेदनशील सामग्रीहरू सुरक्षित स्थानमा सारिसकिएको थियो।
बिज्ञापन
अबेदिनीले भने, “हामीले परमाणु स्थलहरू खाली गरिसकेका थियौँ। ट्रम्पको भनाइ सत्य ठानिए पनि हामीलाई कुनै गम्भीर क्षति भएको छैन।” यस्तै, तस्निम समाचार एजेन्सीका अनुसार, क्वोम प्रान्तका संकट व्यवस्थापन प्रवक्ता मोर्तजा हैदरीले फोर्दो परमाणु केन्द्रको एक हिस्सामा हवाई आक्रमण भएको पुष्टि गरेका छन्।
विश्वकै शक्तिशाली बंकर बस्टिङ बम प्रयोग
इरानमाथिको आक्रमणमा अमेरिका द्वारा जीबीयू–५७ म्यासिभ अर्डनन्स पेनेट्रेटर (MOP) नामक अत्याधुनिक बंकर बस्टिङ बम प्रयोग गरिएको छ। यो बम मिसौरीस्थित ह्वाइटम्यान एयर फोर्स बेसबाट उड्ने बी–२ स्पिरिट स्टेल्थ बमवर्षक विमानद्वारा खसालिएको थियो।
६ मिटर लामो यो बम ५०,००० फिटको उचाइबाट खसालिन्छ, जसले गर्दा यसले उच्च गतिशील ऊर्जा (काइनेटिक इनर्जी) प्राप्त गर्छ। यसमा जडान गरिएको डिले फ्युजिङ सिस्टमले ५,३०० पाउन्ड विस्फोटक सही गहिराइमा विस्फोट गराउन सुनिश्चित गर्छ।
रक्षा विशेषज्ञहरूका अनुसार, परमाणु हतियारबाहेक यो बम विश्वकै सबैभन्दा शक्तिशाली भूमिगत संरचना ध्वस्त पार्ने हतियार हो। यो ‘मदर अफ अल बम्स’
तेहरान । अमेरिकाबाट इरानमाथि भएको हवाई आक्रमणपछि इरानले आफ्ना परमाणु स्थलगत संरचनामा ठूलो क्षति नभएको दाबी गरेको छ। इरानको सरकारी टेलिभिजनका उप–राजनीतिक निर्देशक हसन अबेदिनीका अनुसार, आक्रमण हुनुभन्दा पहिल्यै अधिकांश संवेदनशील सामग्रीहरू सुरक्षित स्थानमा सारिसकिएको थियो।
अबेदिनीले भने, “हामीले परमाणु स्थलहरू खाली गरिसकेका थियौँ। ट्रम्पको भनाइ सत्य ठानिए पनि हामीलाई कुनै गम्भीर क्षति भएको छैन।” यस्तै, तस्निम समाचार एजेन्सीका अनुसार, क्वोम प्रान्तका संकट व्यवस्थापन प्रवक्ता मोर्तजा हैदरीले फोर्दो परमाणु केन्द्रको एक हिस्सामा हवाई आक्रमण भएको पुष्टि गरेका छन्।
विश्वकै शक्तिशाली बंकर बस्टिङ बम प्रयोग
इरानमाथिको आक्रमणमा अमेरिका द्वारा जीबीयू–५७ म्यासिभ अर्डनन्स पेनेट्रेटर (MOP) नामक अत्याधुनिक बंकर बस्टिङ बम प्रयोग गरिएको छ। यो बम मिसौरीस्थित ह्वाइटम्यान एयर फोर्स बेसबाट उड्ने बी–२ स्पिरिट स्टेल्थ बमवर्षक विमानद्वारा खसालिएको थियो।
६ मिटर लामो यो बम ५०,००० फिटको उचाइबाट खसालिन्छ, जसले गर्दा यसले उच्च गतिशील ऊर्जा (काइनेटिक इनर्जी) प्राप्त गर्छ। यसमा जडान गरिएको डिले फ्युजिङ सिस्टमले ५,३०० पाउन्ड विस्फोटक सही गहिराइमा विस्फोट गराउन सुनिश्चित गर्छ।
रक्षा विशेषज्ञहरूका अनुसार, परमाणु हतियारबाहेक यो बम विश्वकै सबैभन्दा शक्तिशाली भूमिगत संरचना ध्वस्त पार्ने हतियार हो। यो ‘मदर अफ अल बम्स’ भनेर चिनिने MOAB बमभन्दा पनि शक्तिशाली मानिन्छ।
सम्भावित क्षेत्रीय प्रतिक्रिया
रोयटर्सले इजरायली सरकारी प्रसारक कानलाई उद्धृत गर्दै लेखेको छ कि इजरायलले यस आक्रमणमा अमेरिका सँग पूर्ण समन्वयमा काम गरेको हो। विश्लेषकहरूका अनुसार, यस घटनाले इरान–इजरायल सम्बन्धमा निर्णायक मोड ल्याएको छ।
बीबीसीका तेल अवीव संवाददाता मार्क लोवेनका अनुसार, यो आक्रमणले मध्यपूर्वको सुरक्षा सन्तुलनमा गहिरो असर पार्न सक्छ। हाल करिब ४०,००० अमेरिकी सैनिक क्षेत्रमै तैनाथ छन्, जो अहिले सतर्क अवस्थामा राखिएको बताइएको छ।
यसैबीच, इरान समर्थित हुथी विद्रोहीहरूले चेतावनी दिएका छन् कि यदि अमेरिका इरानमाथि सैन्य कारबाही जारी राख्छ भने उनीहरूले लाल सागरमा अमेरिकी जहाजहरूमा आक्रमण पुनः सुरु गर्नेछन्।
के गर्छ इरान?
इरानले अमेरिकी तथा क्षेत्रीय सैन्य अखडाहरूलाई लक्षित गर्दै जवाफी कारबाही गर्न सक्ने आशङ्का बढेको छ। विश्लेषकहरूका अनुसार, इरानको रणनीतिक प्रतिक्रिया नआएसम्म क्षेत्रीय तनाव घट्ने सम्भावना छैन। अबको ध्यान इरानले इजरायलप्रति कसरी प्रतिकार गर्छ भन्नेमा केन्द्रित हुनेछ।
मंगलबार, आश्विन ०७, २०८२
सोमबार, आश्विन ०६, २०८२
