Premier Cables
Premier Steel

मौसम

बंगालको खाडीमा विकसित अकवान चक्रवातले नेपालमा ठूलो असर नपार्ने

Hamro Biratnagar News Channel Calendar बुधबार, मंसिर ०२, २०८३  | बिहान ९:४७ बजे
Hamro Biratnagar Headlines
लिङ्क कपी भएको छ ।

काठमाडौं । बंगालको खाडीमा विकसित ‘अकवान’ नामको चक्रवातले नेपालमा उल्लेख्य प्रभाव पार्ने सम्भावना नरहेको मौसमविद्हरूले बताएका छन्। भारतको आन्ध्र प्रदेशतर्फ अघि बढिरहेको चक्रवातका कारण नेपालमा सामान्य बदली र केही स्थानमा हल्का वर्षा हुन सक्ने अनुमान गरिएको छ।

एक महिनाभन्दा कम अवधिमा बंगालको खाडीमा अर्नब, मुरासु र अकवान गरी तीनवटा चक्रवात विकसित भएका छन्। यसअघि विकसित अर्नब चक्रवातको प्रभावले नेपालमा वर्षा र हिमपात भएको थियो। तर मुरासु चक्रवातको प्रभाव भने नेपालमा खासै देखिएको थिएन।

विज्ञापन

मौसम पूर्वानुमान महाशाखाका मौसमविद् डेभिड ढकालका अनुसार अकवान चक्रवातको प्रभावले नेपालमा भारी वर्षा हुने सम्भावना छैन। यसको बाहिरी घेराबाट आउने बादलका कारण पूर्वी नेपालका केही स्थानमा हल्का वर्षा हुन सक्ने उनले बताएका छन्।

त्यस्तै, त्रिभुवन विश्वविद्यालयको मौसम विज्ञान केन्द्रीय विभागका सहप्राध्यापक डा. विनोद पोखरेलले पनि पूर्वी नेपालको केही स्थानमा हल्का वर्षा हुन सक्ने बताएका छन्। उनका अनुसार तत्काल भारी वर्षाको स्पष्ट संकेत देखिएको छैन।

भारतीय मौसम विज्ञान विभागका अनुसार अकवान चक्रवात बंगालको खाडीको मध्य भागमा रहेको छ। यो उत्तर–उत्तरपश्चिम दिशातर्फ अघि बढ्दै थप शक्तिशाली हुने क्रममा छ।

नोभेम्बर १९ अर्थात् मंसिर ३ गतेसम्म चक्रवात अति गम्भीर अवस्थामा पुग्ने र नोभेम्बर २० अर्थात् मंसिर ४ गते भारतको आन्ध्र प्रदेश तथा यानमको तटीय क्षेत्रबाट जमिनमा प्रवेश गर्ने अनुमान गरिएको छ।

जमिनमा प्रवेश गर्ने समयमा यसको हावाको गति प्रतिघण्टा १२० देखि १३० किलोमिटरसम्म पुग्न सक्ने र हावाको झोक्का १४५ किलोमिटरसम्म पुग्ने भारतीय मौसम विज्ञान विभागको पूर्वानुमान छ।

मौसमविद्हरूका अनुसार बंगालको खाडीमा विकसित हुने चक्रवातको प्रत्यक्ष प्रभाव नेपालमा कमै पर्ने गरेको छ। तर चक्रवातको बाहिरी घेराबाट आउने बादलका कारण नेपालमा वर्षा, हिमपात र हावाहुरी हुन सक्ने सम्भावना रहन्छ।

*** समाप्त ***
Bagmati
ताजा समाचार
aarya
ACS
Homepage after Biratnagar news
Web Surfer
Vianet
Avex
Royal Planners

payments अर्थ

अर्थ
© hamrobiratnagar 2025-2027  |  Design: Sabin Roka