काठमाडौं । अखिल नेपाल फुटबल संघ (एन्फा) का अध्यक्ष पंकजविक्रम नेम्बाङ र महासचिव किरण राई पाँच–पाँच लाख रुपैयाँ धरौटी बुझाएर रिहा भएका छन्।

बुधबार ललितपुर जिल्ला अदालतमा बयान दिएपछि न्यायाधीश हरिसिंह धामीको इजलासले नेम्बाङ र राईलाई जनही पाँच लाख रुपैयाँ धरौटीमा रिहा गर्ने आदेश दिएको हो।

विज्ञापन

अदालतका सूचना अधिकारी टीकाध्वज कार्कीका अनुसार दुवैले अदालतको आदेशअनुसार धरौटी रकम बुझाइसकेका छन्।

खेल मिलेमतो तथा ठगीसम्बन्धी कसुरमा नेपाल प्रहरीको केन्द्रीय अनुसन्धान ब्युरो (सीआईबी) को सिफारिसका आधारमा ललितपुर जिल्ला सरकारी वकिल कार्यालयले एन्फा अध्यक्ष नेम्बाङ, महासचिव राई, कोषाध्यक्ष रविन्द्र जोशी र लेखापाल सन्जीव पाण्डेविरुद्ध मुद्दा दायर गरेको थियो।

यसअघि नै कोषाध्यक्ष जोशी र लेखापाल पाण्डे धरौटीमा रिहा भइसकेका छन्।

×

❮

❯