काठमाडौं । गोरखाको बूढीगण्डकी नदीमा आएको बाढीका कारण जोखिममा परेका ३६ जनाको नेपाली सेनाले उद्धार गरेको छ। बाढी प्रभावित विभिन्न क्षेत्रबाट उनीहरूको उद्धार गरिएको सेनाले जनाएको छ।

नेपाली सेनाका अनुसार जगत क्षेत्रबाट ६ जना, न्याक्फेदीबाट ९ जना तथा यारुबाट एक शिशु र एक विदेशी नागरिकसहित ९ जनाको उद्धार गरिएको छ। त्यस्तै, पायु क्षेत्रबाट १२ जनालाई सुरक्षित स्थानमा सारिएको छ।

विज्ञापन

उद्धार कार्यका लागि नेपाली सेनाले चारवटा हेलिकोप्टर परिचालन गरेको छ। साथै, स्थलमार्गबाट समेत सेनाको टोली उद्धार तथा खोजी कार्यमा खटिएको छ।

बाढी प्रभावित क्षेत्रमा अन्य सुरक्षा निकाय तथा सम्बन्धित सरकारी निकायसँग समन्वय गरी थप खोजी तथा उद्धार कार्य जारी रहेको नेपाली सेनाले जनाएको छ।

×

❮

❯