विराटनगर । विराटनगरमा आज सम्पन्न Stellar Inter-School Table Tennis Tournament 2026 मा दिल्ली पब्लिक स्कूल (DPS) विराटनगर का कक्षा ६ का विद्यार्थी आदर्श गुप्ताले जुनियर क्याटेगोरीमा स्वर्ण पदक जित्दै उत्कृष्ट सफलता हासिल गरेका छन्।
प्रतियोगितामा उत्कृष्ट खेल प्रदर्शन गर्दै आदर्शले प्रथम स्थान हासिल गरेका हुन्। उनले आफ्नो खेलकौशल, आत्मविश्वास र निरन्तर अभ्यासमार्फत प्रतिस्पर्धात्मक खेलमा प्रभावशाली प्रदर्शन गर्दै स्वर्ण पदकसहित ट्रफी तथा प्रमाणपत्र प्राप्त गरेका छन्।
विज्ञापन
विराटनगर टेबल टेनिस क्लबको आयोजनामा आज सम्पन्न प्रतियोगितामा DPS विराटनगरका विद्यार्थी खेलाडीहरूलाई सहभागी गराइएको थियो। विद्यालयले प्रतियोगितामा सहभागिताका लागि खेलाडीहरूको नामावली आयोजकसमक्ष पठाएको थियो। आदर्शको खेल तयारी तथा प्रशिक्षणमा टेबल टेनिस प्रशिक्षकको मार्गदर्शन रहेको थियो।
कक्षा ६ मै अन्तरविद्यालयस्तरीय प्रतियोगिताको जुनियर क्याटेगोरीमा स्वर्ण पदक हासिल गर्नु आदर्शको खेलकुद यात्राको उल्लेखनीय उपलब्धि हो। उनको यस सफलताले DPS विराटनगरमा अध्ययनसँगै खेलकुद क्षेत्रमा समेत विद्यार्थीहरूलाई उत्कृष्टता हासिल गर्न प्रोत्साहन गर्ने विद्यालयको प्रतिबद्धतालाई थप बलियो बनाएको छ।
विद्यालयले विद्यार्थीको सर्वाङ्गीण विकासका लागि खेलकुदलाई शिक्षाको महत्वपूर्ण अंगका रूपमा अघि बढाउँदै आएको छ। यस्ता प्रतियोगिताले विद्यार्थीमा अनुशासन, आत्मविश्वास, धैर्यता, नेतृत्व क्षमता तथा स्वस्थ प्रतिस्पर्धाको भावना विकास गर्न महत्वपूर्ण भूमिका खेल्ने विद्यालयको विश्वास छ।
DPS विराटनगर परिवार आदर्श गुप्ताको यस शानदार सफलताप्रति हार्दिक बधाई व्यक्त गर्दै आगामी खेल यात्राका लागि उज्ज्वल सफलताको शुभकामना व्यक्त गर्दछ।
बिहिबार, असोज १५, २०८३
बिहिबार, असोज १५, २०८३
