विराटनगर । राष्ट्रिय खेलकुद परिषदको आयोजनामा यहि जेठ २२ र २३ हुने १४ वर्ष मुनिको राष्ट्रिय टेबलटेनिस प्रतियोगिताका लागि कोशी प्रदेशबाट ६ जना खेलाडी छनौट भएका छन् ।

विराटनगर–५ स्थित एभरेष्ट स्कुलका विद्यार्थीहरु कृपा पोखरेल र सक्षम बस्नेत सहित श्रीश्री रबिशंकर स्कुलकी स्वस्तिका चौधरी छनौट भएका हुन । सुनसरीको इटहरी रंगशालामा भएको छनौट प्रतियोगिताबाट सुनसरीका धरानका गौतम तामाङ र श्रेया सुवेदी तथा इटहरी सुनसरी का कविर आचार्य समेत छनौट भएका छन् ।

बिज्ञापन

अखिल नेपाल टेबलटेनिस संघका केन्द्रीय उपाध्यक्ष अनुज बानियाँका अनुसार राष्ट्रिय प्रतियोगिताको ब्याईज सिंगल्स तर्फ सक्षम, गौतम र कविरले कोशी प्रदेशको प्रतिनिधित्व गर्दै खेल्ने छन्हु । गर्ल्स सिंगल्स तर्फ कृपा, स्वस्तिका र श्रेयाले छनाैट भएका छन् ।

काठमाडौंमा हुने प्रतियोगितामा सहभागि हुने खेलाडी छनौटका लागि परिषदले जिल्लामा जेठ १२ र प्रदेशस्तरीय छनौट जेठ १७ गते गर्न यस अघि नै पत्राचार गरेको थियो । राष्ट्रिय प्रतियोगितामा दुई खेलाडी छनौट भएपछि एभरेष्ट स्कुलले खुसी ब्यक्त गरेको छ ।

विद्यालयका प्रिन्सिपल टिकाराम पुरीले विद्यार्थीको सर्वाङ्गीण विकासको लागि लगानीको प्रतिफलका रुपमा लिएकाे सुनाए । विद्यार्थी अब्बल हुनुपर्छ भनेर नै सोहि अनुसारको वातावरण तयार गरेका बताए ।

×

❮

❯