विराटनगर: कोशी प्रदेशको राजधानी विराटनगरमा आज निकालिन लागेको ऐतिहासिक ५९औँ राधाकृष्ण रथयात्राको सम्पूर्ण रुट र विश्रामस्थलहरू तय भएका छन्। राधाकृष्ण मन्दिरबाट दिउँसो ३ बजे सुरु हुने यस रथयात्रालाई व्यवस्थित, मर्यादित र भव्य बनाउन ८ किलोमिटर लामो परिक्रमा मार्गमा ४४ वटा विश्रामस्थलहरू तोकिएको छ।
रथयात्राको रुटमा पर्ने यी निश्चित स्थानहरूमा रथ रोकिएपछि हजारौँ भक्तजनहरूले सहज रूपमा दर्शन तथा पूजाअर्चना गर्ने व्यवस्था मिलाइएको छ। आयोजकका अनुसार परम्परागत मार्ग हुँदै अगाडि बढ्ने रथयात्रा विभिन्न ४४ वटा चोक तथा स्थलहरूमा विश्राम गर्दै पुनः मन्दिर परिसरमा पुगेर समापन हुनेछ।
विज्ञापन
रथयात्रा विश्राम हुने ४४ प्रमुख स्थलहरू:
१. राधाकृष्ण मन्दिर
तोकिएका यी हरेक विश्रामस्थलहरूमा रथ केही समय रोकिएर श्रद्धालुहरूलाई पूजाअर्चना गर्न सहज बनाइनेछ। ठुलो संख्यामा भक्तजनहरूको घुइँचो लाग्ने हुँदा यी सबै विश्रामस्थलहरूमा सुरक्षाकर्मी, स्वयम्सेवक र स्वास्थ्य टोली परिचालन गरिएको छ। डिजे निषेध गरिएको यस वर्षको रथयात्रामा विश्रामस्थलहरूमा समेत भजन–कीर्तन र धार्मिक माहौललाई प्राथमिकता दिइएको छ।
शनिबार, भाद्र २०, २०८३
बिहिबार, भाद्र १८, २०८३
