काठमाडौँ । नेपाल र तिब्बत सीमा क्षेत्रमा आएको विनाशकारी बाढीबाट प्रभावितका लागि अमेरिकी भूउपग्रह इन्टरनेट सेवा प्रदायक कम्पनी ‘स्टारलिंक’ ले निःशुल्क इन्टरनेट सेवा तथा प्रविधि उपलब्ध गराउने इच्छा व्यक्त गरेको छ।

कम्पनीले सामाजिक सञ्जाल ‘एक्स’ मार्फत एक वक्तव्य जारी गर्दै नेपाल सरकार तथा मानवीय सहायतामा संलग्न निकायहरूसँग मिलेर काम गर्न आफू तयार रहेको जनाएको हो। नेपाल सरकारले स्वीकृति दिएलगत्तै प्रभावित क्षेत्रमा आफ्ना ‘स्याटेलाइट इन्टरनेट किट’ पठाएर निःशुल्क सेवा प्रवाह गरिने स्टारलिंकले स्पष्ट पारेको छ।

विज्ञापन

बाढी र पहिरोका कारण सडक तथा पुल ध्वस्त हुनुका साथै मोबाइल नेटवर्कसमेत अवरुद्ध भएका बेला स्याटेलाइट इन्टरनेटले उद्धार र राहत कार्यमा ठूलो सहयोग पुर्‍याउने कम्पनीको विश्वास छ। यस प्रविधिमार्फत उद्धार टोली र स्वास्थ्यकर्मीहरूले आपसमा प्रभावकारी समन्वय गर्न सक्नेछन् भने सम्पर्कविहीन भएका नागरिकहरूलाई परिवारसँग जोडिन सहज हुनेछ।

×

❮

❯