काठमाडौँ । चीनको तिब्बततर्फबाट रसुवाको भोटेकोसी नदीमा पुनः बाढी आएकाले त्रिशूली नदीतटीय क्षेत्र (मुग्लिनसम्म) उच्च सतर्कता अपनाउन बाढी पूर्वानुमान महाशाखाले आग्रह गरेको छ।

गत भदौ १० गतेको भीषण बाढीपश्चात् तिब्बतस्थित ल्हेन्दे खोला थुनिएर बनेको प्राकृतिक ताल फुटेर पानी बग्न थालेपछि नदीमा जलसतह उल्लेख्य बढेको नेपाल प्रहरीले जनाएको छ। शुक्रबार मध्याह्न स्याफ्रुबेँसीसम्म बाढी आइपुगेपछि तटीय क्षेत्रमा जोखिम बढेको हो।

बिज्ञापन

जल तथा मौसम विज्ञान विभागअन्तर्गतको बाढी पूर्वानुमान महाशाखाले शुक्रबार दिउँसो १२ः३१ बजे सार्वजनिक सूचना जारी गर्दै अर्को सूचना नआउञ्जेलसम्म सुरक्षित स्थानमा रहन अपिल गरेको छ। महाशाखाले भोटेकोसी र त्रिशूली नदी किनारका बासिन्दाहरूलाई पूर्वतयारीका साथ उच्च सतर्कता अपनाउन ताकेता गरेको छ।

×

❮

❯