काठमाडौं । काठमाडौं उपत्यकाको फोहोरमैला व्यवस्थापनसम्बन्धी आयोजना गरिएको एक छलफल कार्यक्रममा ललितपुर महानगरपालिकाका प्रमुख (मेयर) चिरिबाबु महर्जन र राष्ट्रिय स्वतन्त्र पार्टी (रास्वपा) कि नेतृ आशिका तामाङबिच भनाभन भएको छ। विवाद चर्किएपछि नेतृ तामाङ आक्रोशित हुँदै बैठकबाट बाहिरिएकी छन्।

बञ्चरेडाँडामा फोहोर व्यवस्थापनका क्रममा देखिएका समस्या, स्थानीयवासीका गुनासा तथा दीर्घकालीन समाधानका उपायबारे छलफल गर्न कार्यक्रम आयोजना गरिएको थियो।

विज्ञापन

बैठकमा मेयर महर्जनले महानगरपालिकाले आफ्नो तर्फबाट निरन्तर काम गरिरहेको भए पनि अनावश्यक मुद्दा लगाउने र दबाब दिने काम भएको भन्दै विषयको गम्भीरता बुझेर मात्रै धारणा बनाउन आग्रह गरेका थिए।

मेयरको भनाइप्रति आपत्ति जनाउँदै नेतृ तामाङले कडा शब्दमा प्रतिवाद गरेपछि दुई पक्षबिच केही बेर चर्काचर्की भएको थियो। माहोल शान्त पार्ने प्रयास गरिए पनि स्थिति सामान्य हुन नसकेपछि तामाङ टेबल ठोक्दै असन्तुष्टि जनाएर बैठक कक्षबाट बाहिरिएकी हुन्।

×

❮

❯