ओमान । ओमानको तटीय क्षेत्रमा एउटा व्यापारिक जहाजमाथि भएको आक्रमणपछि बेपत्ता भएका एक भारतीय नाविकको शव फेला परेको छ। नाविक युनियनका एक अधिकारीका अनुसार साइप्रसको झण्डा रहेको ‘जीएफएस ग्यालेक्सी’ नामक जहाजमा आइतबार भएको आक्रमणपछि पुणेका ३० वर्षीय मरिन इन्जिनियर हेरम्ब कर्माकर बेपत्ता थिए।
फर्वार्ड सीमेन्स युनियन अफ इन्डियाका मनोज यादवले मंगलबार साँझ ढुवानी कम्पनीमार्फत कर्माकरको शव ओमानको तटीय रक्षक (कोस्ट गार्ड) ले फेला पारेको जानकारी दिएका हुन्। उनी बेपत्ता भएको घोषणा गरिएको करिब ६० घण्टापछि शव भेटिएको हो।
बिज्ञापन
जहाजमा सवार अन्य २३ जना चालक दलका सदस्यहरूलाई भने आक्रमणकै दिन उद्धार गरिएको थियो, जसमा १० जना भारतीय नागरिक छन्। अमेरिकी सेन्ट्रल कमाण्डका अनुसार आगलागी र इन्जिन कोठामा क्षति पुगेपछि जहाज निष्क्रिय बनेको थियो। अमेरिकाले उक्त आक्रमणको जिम्मेवारी इरानमाथि थोपरेको छ।
भारत विश्वमै सबैभन्दा बढी समुद्री कामदार पठाउने देशहरूमध्ये एक हो, जहाँ सन् २०२५ को तथ्यांक अनुसार विश्वभर ३ लाख २० हजारभन्दा बढी नाविकहरू सक्रिय छन्। यस घटनापछि भारतको परराष्ट्र मन्त्रालयले यस क्षेत्रमा व्यावसायिक जहाजहरूमाथि हुने आक्रमणहरू गम्भीर चिन्ताको विषय भएको बताउँदै नागरिक समुद्री पूर्वाधारहरूलाई निशाना बनाउने कार्य बन्द गर्न आह्वान गरेको छ।
यो आक्रमण इरानले हर्मुज जलडमरू (स्ट्रेट अफ हर्मुज) बन्द गर्ने घोषणा गरेको र छिमेकी खाडी मुलुकहरूमा मिसाइल तथा ड्रोन प्रहार गरेको केही समयपछि भएको हो। इरानले यसलाई अमेरिकी सैन्य कारबाहीको बदला स्वरूप गरिएको कदम बताएको छ। फेब्रुअरी २८ मा तनाव सुरु हुनुअघि विश्वको करिब पाँच भागको एक भाग तेल ढुवानी यही जलडमरूबाट हुने गर्दथ्यो, जुन अहिले वासिङ्टन र तेहरानबीचको गतिरोधको मुख्य केन्द्र बनेको छ।
बुधबार, असार ३१, २०८३
बुधबार, असार ३१, २०८३
