काठमाडौं । श्रम संस्कृति पार्टीका अध्यक्ष हर्क साम्पाङले सर्वदलीय बैठक आह्वान गर्ने जिम्मेवारी सरकारको हुने बताएका छन्।

राष्ट्रिय स्वतन्त्र पार्टी (रास्वपा)का सभापति रवि लामिछानेले समसामयिक राजनीतिक विषयमा छलफल गर्न सर्वदलीय बैठक बोलाएको सन्दर्भमा साम्पाङले सामाजिक सञ्जालमार्फत आफ्नो धारणा सार्वजनिक गरेका हुन्।

बिज्ञापन

साम्पाङले फेसबुकमा लेखेका छन्, “बैठक रविजीले होइन, सरकारले बोलाउनुपर्थ्यो।”

सोमबार सिंहदरबारस्थित सार्वजनिक लेखा समितिको हलमा बसेको सर्वदलीय बैठकमा विभिन्न राजनीतिक दलका प्रतिनिधिहरू सहभागी भएका थिए। तर, श्रम संस्कृति पार्टीका तर्फबाट भने कुनै प्रतिनिधि सहभागी भएनन्।

रास्वपाले पछिल्लो राजनीतिक अवस्था र साझा राष्ट्रिय मुद्दामा छलफल गर्न बैठक आह्वान गरेको जनाएको थियो।

×

❮

❯