काठमाडौं । आज देशका विभिन्न भूभागमा वर्षाको सम्भावना रहे पनि सुदूरपश्चिम र लुम्बिनी प्रदेशका तराई क्षेत्रमा तातो दिन रहने सम्भावना रहेको छ ।

जल तथा मौसम विज्ञान विभागका अनुसार हाल नेपालमा पश्चिमी तथा स्थानीय वायुको प्रभाव कायम रहेको छ । यसको असरका कारण दिउँसो कोसी, मधेस, बागमती र गण्डकी प्रदेशसहित लुम्बिनी र कर्णाली प्रदेशका पहाडी तथा हिमाली क्षेत्रमा सामान्यदेखि आंशिक बदली रहनेछ । अन्य तराई क्षेत्रको मौसम भने मुख्यतया सफा रहने अनुमान गरिएको छ ।

बिज्ञापन

विभागले कोसी, बागमती र गण्डकी प्रदेशका केही स्थानमा तथा मधेससहित अन्य पहाडी र हिमाली भूभागका थोरै स्थानमा मेघगर्जनसहित हल्कादेखि मध्यम वर्षा र हिमपात हुन सक्ने जनाएको छ ।

यस्तै, सुदूरपश्चिम र लुम्बिनी प्रदेशका तराई क्षेत्रमा अत्यधिक गर्मी महसुस हुन सक्ने भएकाले आवश्यक सतर्कता अपनाउन विभागले आग्रह गरेको छ ।

रातिको समयमा पनि कोसी, मधेस, बागमती र गण्डकी प्रदेशमा सामान्य बदली रहनेछ भने अन्य पहाडी तथा हिमाली भूभागमा आंशिक बदली रहने सम्भावना छ । केही स्थानमा चट्याङसहित हल्का वर्षा तथा हिमपात हुन सक्ने विभागको पूर्वानुमान छ ।

×

❮

❯