काठमाडौं । राष्ट्रिय स्वतन्त्र पार्टी (रास्वपा) का सांसद गणेश पराजुलीले प्रतिनिधिसभा बैठकमा दिएको केही अभिव्यक्ति संसदीय अभिलेखबाट हटाइएको छ ।

सभामुख डोलप्रसाद अर्यालले बुधबार संसद् बैठकमा जानकारी दिँदै गत वैशाख २९ गतेको बैठकमा पराजुलीले प्रयोग गरेका दुई वटा शब्द अभिलेखबाट हटाउन सचिवालयलाई निर्देशन दिइएको बताए ।

बिज्ञापन

सभामुखका अनुसार ‘भरौटेहरू’ तथा ‘यहाँ लुगा लगाएर पनि नांगै हिंडेजस्तो’ भन्ने अभिव्यक्ति संसद्को रेकर्डबाट हटाइएको हो ।

“वैशाख २९ गतेको बैठकमा माननीय सदस्य गणेश पराजुलीले बोल्ने क्रममा प्रयोग गर्नुभएको ‘भरौटेहरू’ र ‘यहाँ लुगा लगाएर पनि नांगै हिंडेजस्तो गरी’ भन्ने शब्दहरू सभाको अभिलेखबाट हटाउन सचिवालयलाई निर्देशन दिएको छु,” सभामुख अर्यालले भने ।

यसअघि मंगलबार बसेको प्रतिनिधिसभा बैठकमा एमाले सांसद ऐन महरले उक्त अभिव्यक्ति संसद्को रेकर्डबाट हटाउन माग गरेका थिए ।

×

❮

❯