विराटनगर । नेपाली कांग्रेसको केन्द्रीय अनुशासन समितिले नेता पूर्णबहादुर खड्कासँग सात दिनभित्र स्पष्टीकरण पेश गर्न निर्देशन दिएको छ।

२ वैशाख, काठमाडौंमा बुधबार बसेको समितिको बैठकले पूर्व उपसभापति समेत रहेका खड्कासँग स्पष्टीकरण सोध्ने निर्णय गरेको हो।

बिज्ञापन

यसअघि चैत १४ गते पार्टीको लेटरहेड दुरुपयोग गरी वक्तव्य जारी गरेको आरोपमा चैत १८ गतेको बैठकले उनलाई एकपटकका लागि सचेत गराएको थियो।

तर, त्यसपछि पनि चैत ३० गते खड्काले आफूसँग नभएको जिम्मेवारी उल्लेख गर्दै आफू पार्टी जिम्मेवारीमै रहेको दाबी गरेका थिए र प्रेस विज्ञप्ति समेत जारी गरेका थिए।

उक्त कार्य पार्टी विधानविपरीत ठहर गर्दै नेपाली कांग्रेसले विधान २०१७ (संशोधन सहित) को धारा ३४ उपधारा ८ (घ) अनुसार खड्कासँग सात दिने स्पष्टीकरण माग्ने निर्णय गरेको जनाएको छ।

×

❮

❯