विराटनगर । मोरङको रंगेलीको चमक अहिले फेरिएको छ । पहिले जिल्ला सदरमुकाम विराटनगर सरेपछि धेरै मानिस बसाइँ हिंडेका थिए । व्यापार व्यवसाय सुस्त थियो ।
सडकको राम्रो प्रबन्ध थिएन । किसानका समस्या उस्तै थिए । साँघुरो र फोहोर देखिने रंगेलीप्रति मानिसहरुको खासै ध्यान थिएन । रंगेली खासमा हेपाइतीमा परेको थियो । सरकार र अन्यको पनि । तर, रंगेलीलाई कायाकल्प बनाउने काम त्यहाँका मेयर दिलिप बगडियाले गरिदिए ।
बिज्ञापन
रंगेली पिछडिएको पछि धेरै समयसम्म निर्माणको कार्य अघि बढ्यो । सडक फराकिला बने । गाउँगाउँमा व्यवस्थित सडक पुगे । पिच बने । एक हिसाबले निरासा मात्र थियो । तर, स्थानीय तह निर्वाचनपछि दिलिप बगडिया मेयर पदमा निर्वाचित भएपछि स्पष्ट योजना र खाका बुने । उनकै प्रयासले अहिले रंगेलीको मुहार फेरिएको छ ।
अहिले चुनावका बेला अरु दलका उमेदवारलाई जनताले तपाइँले के काम गर्नुभयो ? हाम्रा लागि के भयो ? के जिम्मेवारी पूरा गर्नुभयो ? भन्दै प्रश्न गरिरहेका छन् । त्यहाँका जनताको मत लिएर चुनाव जित्ने योजनासाथ पुगेका उनीहरुसँग जवाफ हुँदैन । मोरङ २ मा नेकपा एमालेबाट उमेदवार बनेका बगडियालाई यो समस्या छैन् । उनले जवाफ दिनैपर्दैन जनताले नै उत्तर दिईरहेका छन् ।
‘तपाइँले गरेरै रंगेलीले मुहार फेरेको हो, तपाइँलाई धेरै धन्यवाद छ’ । उमेदवार बगडियाले आफूले जनताको साथ लिएर नै रंगेलीलाई नयाँ पहिचान दिलाउन सफल भएको बताए । उनले भने,‘‘मैले हेपिएको रंगेलीको जगलाई अझ बलियो बनाएर नयाँ स्वरुप दिन सकें, अझै धेरै काम गर्नुपर्ने छ । म केन्द्रीय राजनीतिमा गएर अझ धेरै विकास गर्न चाहन्छु ।’’
यो श्रृंखलामा हाम्रो विराटनगर डटकमले रंगेलीको विकास र नयाँ स्वरुप बनाउन बगडियाको योगदानको चर्चा गर्दै जाने छौं ।
सोमबार, जेठ ११, २०८३
सोमबार, जेठ ११, २०८३
