काठमाडौं । नेपाली कांग्रेसभित्र सभापतिको आधिकारिकता विवाद चुलिँदै गएको छ।

विशेष महाधिवेशनबाट गगन थापा पार्टी सभापति निर्वाचित भएपछि उत्पन्न विवादका बीच शेरबहादुर देउवा पक्षका नेता–कार्यकर्ताहरू निर्वाचन आयोग पुगेका छन्।

बिज्ञापन

देउवा पक्षका नेता कल्याण गुरुङका अनुसार केन्द्रीय समितिका पदाधिकारी, जिल्ला सभापतिहरू, भातृ तथा शुभेच्छुक संस्थाका प्रतिनिधिसहितको टोली आफ्ना धारणा राख्न निर्वाचन आयोग पुगेको हो। ‘हामी हाम्रो पक्ष राख्न आयोगमा आएका छौं,’ उनले बताए।

पुस २७ गतेदेखि माघ १ गते बिहानसम्म चलेको विशेष महाधिवेशनबाट गगन थापा सभापति चयन भएका थिए। त्यसपछि देउवा पक्ष र थापा पक्ष दुवैले आफू नै पार्टीको आधिकारिक नेतृत्व भएको दाबी गर्दै निर्वाचन आयोगमा निवेदन दिएका छन्।

यस विषयमा आयोगले दुवै पक्षका निवेदनमाथि छानबिन भइरहेको जनाएको छ।

×

❮

❯