नयाँदिल्ली । इण्डिगो एयरलाइन्सको उडान अव्यवस्था शुक्रबार (५ डिसेम्बर २०२५) चौथो दिनमा प्रवेश गर्दै देशका विभिन्न विमानस्थलहरूमा उडान रद्द तथा ढिलाइको अवस्था निकै गम्भीर बनेको छ।
दिल्लीस्थित इन्दिरा गान्धी अन्तर्राष्ट्रिय विमानस्थलबाट हुने सबै इण्डिगो उडान शुक्रबार (डिसेम्बर ५) मध्यरातसम्मका लागि रद्द गरिएका छन्।
बिज्ञापन
यसैबीच, बंगलोरको केम्पेगोड़ा अन्तर्राष्ट्रिय विमानस्थल (KIA) मा शुक्रबार बिहान मात्रै १०२ वटा इण्डिगो उडान रद्द गरिएको छ।
एउटै दिन १०२ उडान रद्द भएपछि यात्रुहरू अहिले पनि विमानस्थलमा समस्यामा परिरहेका छन्। यो अव्यवस्था लगातार चौथो दिनसम्म कायम छ।
डिसेम्बर ८ देखि उडान कटौतीको घोषणा
विहीबार (डिसेम्बर ४) इण्डिगोले नागरिक उड्डयन महानिर्देशनालय (DGCA) लाई डिसेम्बर ८ देखि उडान संख्या कटौती गर्ने जानकारी दिएको थियो, ताकि अव्यवस्था केही नियन्त्रणमा ल्याउन सकियोस्। एयरलाइन्सले थप दुई देखि तीन दिनसम्म ढिलाइ र रद्द हुने सम्भावना कायम रहने चेतावनी पनि दिएको छ।
फेब्रुअरी १०, २०२६ सम्म पूर्ण स्थायित्वको दाबी
एयरलाइन्सका अनुसार उडान सञ्चालन पूर्ण रूपमा फेब्रुअरी १०, २०२६ सम्म सामान्य अवस्थामा फर्किने अपेक्षा गरिएको छ।
इण्डिगोले यो अवधिसम्म रात्रीकालीन उडान समय घटाउने नियमबाट छुट दिन माग गरेको छ, जसको मूल्यांकन DGCA ले गर्ने जनाएको छ।
एयरलाइन्सले नयाँ क्रू भर्ती, विमान थपिँदै जाँदा आवश्यक जनशक्ति, तालिम तथा रोस्टर व्यवस्थापनका बारेमा विस्तृत योजना मन्त्रालय तथा नियामक निकायलाई बुझाउनुपर्नेछ।
इण्डिगोले माग्यो माफी
“गत दुई दिनमा हाम्रो नेटवर्क र सञ्चालनमा व्यापक अव्यवस्था देखिएको छ। यसले प्रभाव पारिएका हाम्रा यात्रु तथा सरोकारवालाहरूप्रति हामी हार्दिक क्षमायाचना गर्दछौं।
हाम्रो टोली MOCA, DGCA, BCAS, AAI तथा विमानस्थल सञ्चालकहरूसँग मिलेर अव्यवस्थाको असर कम गर्न र सामान्य अवस्था ल्याउन निरन्तर प्रयासरत छ,” इण्डिगोले विज्ञप्तिमा जनाएको छ।
शुक्रबार, असार १२, २०८३
बिहिबार, असार ११, २०८३
