बिर्तामोड । झापाको मेचिनगर नगरपालिका–१४ धुवागढीका ४० वर्षीय विरबहादुर भुजेलको छतबाट लडी घाइते भइ उपचारका क्रममा मृत्यु भएको छ।

इलाका प्रहरी कार्यालय धुवागढीका अनुसार, भुजेल कात्तिक १ गते (बुधबार) दिउँसो करिब ४ बजे आफ्नै एकतले घरको छतबाट आकस्मिक रूपमा लडेका थिए। गम्भीर घाइते उनलाई विर्तामोडस्थित बी एण्ड सी अस्पतालमा भर्ना गरिएको थियो।

बिज्ञापन

तर उपचारका क्रममा कात्तिक ३ गते (शुक्रबार) साँझ करिब ५ बजे उनको मृत्यु भएको प्रहरीले जनाएको छ।

भुजेलको शव पोष्टमार्टमका लागि प्रादेशिक अस्पताल, भद्रपुर पठाइएको छ। प्रहरीले आवश्यक सम्पूर्ण कानुनी प्रक्रिया पूरा गरिसकेको जनाएको छ।

×

❮

❯