१९ जनाको मृत्युपछि सरकार सामाजिक सञ्जाल प्रतिबन्ध फिर्ता लिन बाध्य
चर्को आलोचना र सत्तारुढ दलभित्रकै दबाब
नोट: यो समाचार ५ महिना अघिको हो
मंगलबार, भाद्र २४, २०८२ |
बिहान ४:४४ बजे
फायल फोटो
काठमाडौं । सामाजिक सञ्जालमाथिको प्रतिबन्धबारे चर्को विरोध र सरकारभित्रै बढ्दो असन्तोषलाई मध्यनजर गर्दै सरकारले आफ्नो निर्णय फिर्ता लिएको छ।
मन्त्रिपरिषद् बैठकले सबै सामाजिक सञ्जाल पुनः सञ्चालनमा ल्याउने निर्णय गरेको सूचना तथा सञ्चार प्रविधि मन्त्री पृथ्वी सुब्बा गुरूङले जानकारी दिएका छन्।
मन्त्री गुरूङका अनुसार, हालै भएका आन्दोलन र त्यसमा १९ जनाको ज्यान गएको घटनालाई कारण देखाउँदै सरकार सामाजिक सञ्जाल खोल्ने निर्णयमा पुगेको हो। यद्यपि, उनले सामाजिक सञ्जाल बन्द गर्ने अघिल्लो निर्णयबारे सरकारलाई कुनै पछुतो नरहेको बताएका छन्।
‘आन्दोलनलाई यही विषय बहाना बनाइएको थियो, त्यसैले निर्णय फिर्ता लिएका हौं,’ मन्त्री गुरुङले भने।
प्रधानमन्त्री केपी शर्मा ओलीले मन्त्रिपरिषदमा जानकारी गराउँदै, सामाजिक सञ्जाल ‘एक्स’ (पूर्व ट्विटर) ले नेपालको राष्ट्रिय स्वाभिमानको अवमूल्यन हुने गरी व्यवहार गरेको बताएका थिए। उनका अनुसार, ‘एक्स’ ले नेपालमा दर्ता गर्ने वा कानुनी प्रक्रिया पालना गर्ने तयारी देखाएको थिएन।
‘डेढ वर्षदेखि हामीले उनीहरूलाई नेपालमा सूचीकृत हुन, कानुन मान्न भनेका थियौं,’ प्रधानमन्त्री ओलीले भनेका छन्, ‘तर, उनीहरू उल्टै हाम्रो राष्ट्रिय स्वाभिमानमाथि प्रहार गर्दै छन्। एउटा सानो देश भएको नाताले यस्तो व्यवहार स्वीकार्य छैन।’
सरकारले यसअघि केही प्रमुख सामाजिक सञ्जालहरूमा अस्थायी प्रतिबन्ध लगाएको थियो, जसलाई लिएर देशभर तीव्र प्रतिक्रिया र आन्दोलन चर्किएको थियो ।
मन्त्रिपरिषद् बैठक चलिरहँदा नेपाली कांग्रेसका सभापति शेरबहादुर देउवाले प्रधानमन्त्री ओलीलाई फोन गरेर निर्णय फिर्ता गर्न आग्रह गरेका थिए ।
बिहिबार, फाल्गुण २१, २०८२
आइतबार, फाल्गुण १७, २०८२
