काठमाडौं । रुपन्देही–३ को उपनिर्वाचनमा राष्ट्रिय स्वतन्त्र पार्टीका उम्मेदवार डा. लेखजंग थापाले पहिलो पत्नीसँगको कानुनी विवाह पुष्टि गर्ने अदालती कागजात सार्वजनिक गरेका छन्।

थापाविरुद्ध दुई विवाह गरेको भन्ने आरोप उठेपछि उनले सामाजिक सञ्जालमार्फत स्पष्टिकरण दिँदै रुपन्देही जिल्ला अदालतको विवाहसम्बन्धी फैसला सार्वजनिक गरेका हुन्। कागजातअनुसार थापाले पहिलो पत्नी सुलोचना घिमिरेसँग २०७९ माघ १५ गते आधिकारिक रुपमा विवाह गरेका थिए।

बिज्ञापन

फेसबुक पोस्टमार्फत थापाले भनेका छन्, “मैले दुई विवाह गरेको कुरा जत्तिकै सत्य हो, तीमध्ये एक श्रीमतीसँग विवाह गरेको कुरा पनि त्यत्तिकै सत्य हो। सो विवाहबाट भएको सन्तानप्रति मेरो पितृत्व दायित्व यथावत् रहनेछ।”

राष्ट्रिय स्वतन्त्र पार्टीका महासचिव कबिन्द्र बर्लाकोटीले थापाको उम्मेदवारी मनोनयनअघि नै पार्टीले आन्तरिक छानबिनमार्फत विषयको पुष्टि गरिसकेको जानकारी दिए। “उहाँले करिब दुई वर्षअघि कानुनी विवाह गरिसकेको पुष्टि भएपछि हामी सन्तुष्ट भयौं,” बर्लाकोटीले बताए।

बर्लाकोटीले यो विषयलाई अनावश्यकरूपमा बढाइचढाइ गरिएको टिप्पणी गर्दै भने, “सन्तानका कारण पूर्वपत्नीसँग सौहार्दपूर्ण सम्बन्ध रहनु स्वाभाविक हो।”

थापा अहिले पनि आरएसपीको तर्फबाट रुपन्देही–३ मा आधिकारिक उम्मेदवार छन् र पार्टीले उनलाई पूर्ण समर्थन जनाएको छ।

×

❮

❯