उदयपुर । उदयपुरको चौदण्डीगढी नगरपालिका–४ स्थित शनिबारे बजारमा दुई महिलाको घाँटीबाट सुनको सिक्री लुटपाट गर्ने क्रममा एक युवक पक्राउ परेका छन्।

पक्राउ पर्नेमा पर्सा जिल्लाको वीरगञ्ज महानगरपालिका–२० का १९ वर्षीय सचिन राजपूत रहेका छन्। घटनामा स्थानीय शनिबारे बजारमा स्थानीय २८ वर्षीया विनिता तामाङ र ३१ वर्षीया शोभा राईको घाँटीबाट सुनको सिक्री तानेर दुई जनाको समूह भाग्ने क्रममा प्रहरी चौकी बसाहा टोलीले राजपूतलाई नियन्त्रणमा लिएको हो।

उनको साथबाट केही सामग्री बरामद गरिएको छ भने घटनामा संलग्न अर्का व्यक्ति फरार रहेको प्रहरीले जनाएको छ। पक्राउ परेका राजपूतमाथि आवश्यक अनुसन्धान भइरहेको प्रहरीले जानकारी दिएको छ।

×

❮

❯