विराटनगर । विराटनगरबाट सशस्त्र प्रहरीले भारतबाट अवैध रूपमा भित्र्याएर लुकाइराखिएको २ लाख १० हजार रुपैयाँ बराबरको तयारी सयपत्री फूलका माला बरामद गरेको छ।

सशस्त्र प्रहरी बल, नेपाल सीमा सुरक्षा गुल्म रानीबाट खटिएको मोबाइल गस्ती टोलीले विराटनगर महानगरपालिका–४, गोग्राहास्थित राधाकृष्ण कोल्ड स्टोर नजिकै लुकाएर राखिएको अवस्थामा उक्त माला बरामद गरेको हो।

विज्ञापन

अवैध रूपमा सीमा पार गराएर नेपाल भित्र्याइएका ती मालालाई सम्बन्धित प्लान्ट क्वारेन्टाइन कार्यालयका प्रतिनिधिको रोहवरमा प्रचलित कानुनी प्रक्रिया पूरा गरी नष्ट गर्ने प्रक्रिया अघि बढाइएको सशस्त्र प्रहरीले जनाएको छ।

×

❮

❯