एमाले महाधिवेशन प्रतिनिधि छनोट चुनाव: मोरङ १ मा ओली समूह विजयी
नोट: यो समाचार १ महिना अघिको हो
आइतबार, मंसिर १४, २०८२ |
बिहान ८:५२ बजे
मोरङ २ मा मतगणना गरिदै
विराटनगर । नेकपा एमालेको ११ औं राष्ट्रिय महाधिवेशन प्रतिनिधिका लागि मोरङमा शनिबार भएको निर्वाचनको मतगणना जारी रहेको छ, र अन्तिम मतपरिणाम सार्वजनिक हुने क्रम चलिरहेको छ।
मोरङका ७ वटा निर्वाचन क्षेत्रमध्ये, प्रतिनिधिसभाका ६ र एक दलित क्षेत्र, कुल ७ क्षेत्रको मतगणना भइरहेको छ। अहिले मोरङ २, ३ र दलित क्षेत्रको मतगणना जारी छ।
बिज्ञापन
अहिलेसम्मको परिणाम अनुसार, केपी ओली समूह र इश्वर पोखरेल समूहको प्यानलले तीन निर्वाचन क्षेत्रमध्ये एक-एक क्षेत्रमा विजय प्राप्त गरेका छन्।
मोरङ क्षेत्र नं. ४ बाट ६ प्रतिनिधिको चयनमा ५ जना ओली समूहका र १ जना पोखरेल समूहका निर्वाचित भएका छन्। अहिले मतगणना भइरहेको क्षेत्रहरूमा दुवै समूहले अग्रता कायम राखेको जानकारी प्राप्त भएको छ।
निर्वाचन समितिका अनुसार, मोरङ १ बाट डिल्लीराम शर्मा अधिकारी, गंगाप्रसाद खरेल, उमाकान्त गौतम, बुद्धिमान लिम्वु, उर्गेन तामाङ, शान्तिकुमारी लिम्वु, मेनु पाण्डे र सरला राई निर्वाचित भएका छन्।
त्यस्तै, मोरङ ४ बाट नरेन्द्र बस्नेत, मुकेश बुढाथोकी, महेशप्रसाद भट्टराई, विमला घिमिरे, गुणावती देवी थारु र राम पोखरेल निर्वाचित भएका छन्, जसमा महेशप्रसाद भट्टराई पोखरेल समूहका हुन्। यस क्षेत्रबाट ओली समूहका उम्मेदवार बाबुराम कार्की ९ मतको फराकिलो अन्तरले पराजित भएका छन्। पोखरेल समूहका भट्टराईले ७६५ मत प्राप्त गरी विजय हासिल गरेका छन्, जबकि कार्कीले ७५६ मत ल्याएका थिए।
मोरङ ६ बाट रमेशप्रसाद पोखरेल, पितकुमार श्रेष्ठ, विनोदप्रसाद ढकाल, सत्यनारायण चौधरी, सरस्वती भण्डारी, सरस्वती खरेल र सन्तोष घिमिरे निर्वाचित भएका छन्।
अब सम्म ४६ प्रतिनिधिको चयनका लागि मतदान गरिएकोमा ३८ जना प्रतिनिधि निर्वाचित भईसकेका छन्, जबकि ८ जना निर्विरोध निर्वाचित भएका छन्।
कुल ३० महाधिवेशन प्रतिनिधि छनोट भइसकेका छन्, जसमा ओली समूहका १६ र पोखरेल समूहका १४ प्रतिनिधि छन्। अहिले १६ प्रतिनिधिको अन्तिम मतपरिणाम सार्वजनिक हुने बाकी छ।
यसै गरी, क्षेत्र नं. ४ बाट निर्वाचित गुणावती देवी थारुको नाम दुवै समूहमा रहेको थियो।
बुधबार, पुष ३०, २०८२
बुधबार, पुष ३०, २०८२
