Premier Cables
Premier Steel

कोशी प्रदेश

एमाले महाधिवेशन प्रतिनिधि छनोट चुनाव: मोरङको मतगणना आज रातिबाट

Calendar शनिबार, मंसिर १३, २०८२  | साँझ ७:५७ बजे

विराटनगर । नेकपा एमालेको आगामी महाधिवेशनका लागि मोरङबाट प्रतिनिधि छान्न आज भएको निर्वाचनको मतगणना आज रातिदेखि सुरु हुने भएको छ।

दिनेभर मतदान सम्पन्न भएसँगै मतपेटिकाहरू सङ्कलन गरी तोकिएका स्थानहरूमा गणना सुरु गर्ने तयारी पूरा भएको एमाले मोरङका सचिव सोमराज थपालले जानकारी दिए।

बिज्ञापन

आसन्न ११औँ राष्ट्रिय महाधिवेशनमा मोरङबाट ४६ प्रतिनिधि चयन हुनेछन्।

कहाँ हुदै मतगणना
क्षेत्र नं. १ को मतगणना उर्लाबारीमा हुने तय भएको छ।

क्षेत्र नं. २ (रङ्गेली)

क्षेत्र नं. ३ को मतगणना बेलबारीमा हुनेछ।

क्षेत्र नं. ४ को मतगणना सोमबारबाट सुरु हुनेछ।

विराटनगर महानगर र आसपासका क्षेत्र समेटिने क्षेत्र नं. ६ को मतगणना भने विराटनगरस्थित एमाले पार्टी कार्यालय पाछलीमा हुनेछ। साँझ ७ बजेदेखि नै मतगणना सुरु हुने सचिव थपालले जानकारी दिए।

मतदानका क्रममा एमाले पार्टी कार्यालयमा दिउँसो केही समय हलचलको वातावरण बनेको थियो। अशक्त वा अपाङ्गता भएका मतदातालाई सहायता गर्ने क्रममा नेता पूर्णशराम बस्नेत र रोहन खोजपतिबीच सामान्य विवाद भएको बताए पनि घटनामा हातपात नभएको स्पष्ट गरिएको छ।

जिल्लाका ६ निर्वाचन क्षेत्रमध्ये क्षेत्र नं. ५ मा सहमतिमै प्रतिनिधि चयन भएको थियो। बाँकी क्षेत्रमा भने अध्यक्ष केपी शर्मा ओली र आगामी महाधिवेशनका अध्यक्ष पदका उम्मेदवार ईश्वर पोखरेल समर्थक समूहबीच प्रतिस्पर्धा चलेको छ।

*** समाप्त ***
ACS
aarya
DPS
Homepage after Biratnagar news
Web Surfer
Vianet
Avex
Royal Planners
हेर्नै पर्ने भिडियो

payments अर्थ

अर्थ
Pigeon Advertising Biratnagar
© hamrobiratnagar 2025-2027  |  Design: Sabin Roka