काठमाडौं । निर्वाचन आयोगले आगामी प्रतिनिधि सभा सदस्य निर्वाचनका लागि प्रत्यक्षतर्फको उमेदवारी दर्ता माघ ६ गते हुने घोषणा गरेको छ।

आयोगले आइतबार सार्वजनिक गरेको निर्वाचन तालिका अनुसार, माघ ६ गते बिहान १० बजेदेखि बेलुका ५ बजेसम्म निर्वाचन अधिकृतको कार्यालयमा उम्मेदवारको मनोनयन पत्र दर्ता गरिनेछ।

बिज्ञापन

सोही दिन बेलुका ५ बजेदेखि ७ बजेसम्म उम्मेदवारको सूची सार्वजनिक हुनेछ। मनोनयन पत्र दर्ता भएका उम्मेदवारहरूको विरोधमा उजुरी दिने समय माघ ७ गते बिहान १० बजेदेखि दिउँसो ३ बजेसम्म तोकिएको छ। यसपछि, माघ ७ गते दिउँसो ३ बजेदेखि माघ ८ गते बेलुका ५ बजेसम्म मनोनयन पत्र र उजुरीहरूको जाँचबुझ र निर्णय गरिनेछ, र माघ ८ गते बेलुका ५ बजेदेखि ७ बजेसम्म उम्मेदवारहरूको नामावली सार्वजनिक गरिनेछ।

त्यसपछि, माघ ९ गते बिहान १० बजेदेखि दिउँसो १ बजेसम्म उम्मेदवारले आफ्नो नाम फिर्ता लिन सक्नेछन्। सोही दिन दिउँसो १ देखि ३ बजेसम्म अन्तिम उम्मेदवारहरूको नामावली प्रकाशित गरिनेछ। माघ ९ गते दिउँसो ४ बजेदेखि साँझ ७ बजेसम्म उम्मेदवारलाई निर्वाचन चिह्न वितरण गरिनेछ।

निर्वाचन आयोगका सहसचिव र प्रवक्ता नारायणप्रसाद भट्टराईले जानकारी दिनुहुन्छ कि, निर्धारित निर्वाचन कार्यक्रम अनुसार, फागुन २१ गते बिहान ७ बजेदेखि बेलुका ५ बजेसम्म मतदान हुनेछन्।

×

❮

❯