रियाध । साउदी अरेबियाको रियाधमा एक युगाण्डाली युवती नमतोभु हलिमा को चौथो तल्लाबाट खस्दा निधन भएको छ। हलिमा साउदी आप्रवासी नियमन विभाग (इमिग्रेशन अफिसर) बाट भाग्ने प्रयासमा थिइन् भन्ने बताइएको छ।

उनको भिसाको अवधि सकिएपछि उनलाई पक्राउ गरी एक डिपोर्टेसन सेन्टरमा राखिएको थियो। तर, स्वदेश फर्कनु नपरोस् भनेर उनले भवनको चौथो तल्लाबाट भाग्ने प्रयास गर्दा गम्भीर चोट लाग्यो। उनलाई तुरुन्तै अस्पतालको आइसियूमा भर्ना गरियो तर केही दिनपछि उनको निधन भयो।

बिज्ञापन

उनका आफन्तहरूका अनुसार हलिमा विगत पाँच वर्षदेखि साउदी अरेबियामा काम गर्दै आएकी थिइन् र आफ्ना परिवार र समुदायको सहयोगमा सक्रिय थिइन्। उनी “मामा कियुम्बा” भनेर चिनिन्थिन्, किनभने उनले विदेशको कमाइबाट तीनवटा घर निर्माण गरेकी थिइन्।

उनका अन्तिम शब्दहरू उनका छोरालाई लक्षित गर्दै, “मलाई प्रार्थना गर कि म डिपोर्टेशनबाट जोगिन सकूँ” भन्ने बताइएको छ। रिपोर्टहरू अनुसार उनले अघिल्लो पटक पनि पक्राउबाट बच्न सफल भएकी थिइन्, तर यसपटक केही आप्रवासीहरूले नै प्रहरीलाई सूचना दिएको आशंका गरिएको छ।

हाल उनका परिवारजनले उनको शव युगाण्डा (आफ्नो देश) फिर्ता ल्याउन सहयोगको अपिल गरिरहेका छन्।

प्याज काट्ने क्रममा मृत्यु

यसैबीच, साउदी अरेबियामा कार्यरत अर्की केन्याली युवती एलिस मोरा को पनि निधन भएको छ। उनी आफ्नो मालिकलाई भान्सामा सहयोग गर्ने क्रममा बेहोस भइ ढलेकी थिइन्।

एक स्रोतका अनुसार, मोरा लाई प्याज काट्न भनिएको थियो, तर उनी अचेत भइ ढलिएपछि अस्पताल लैजान नपाई निधन भइन्। उनी यसअघि पनि टाउको घुम्ने समस्याको गुनासो गरिरहेकी थिइन्।

×

❮

❯