विराटनगर । कोशी प्रदेशका मुख्यमन्त्री हिक्मत कुमार कार्कीले अब प्रदेशका सबै मन्त्रालयमा आउने फाइल सात दिनभित्र टुंग्याउन कडा निर्देशन दिएका छन् । आर्थिक वर्ष २०८१र८२ को वार्षिक समीक्षा कार्यक्रममा बोल्दै मुख्यमन्त्री कार्कीले राय, परामर्श वा अन्य कुनै पनि प्रकृतिका फाइलहरू मन्त्रालयमा लामो समय अड्कने प्रवृत्तिमा सुधार ल्याउनुपर्ने स्पष्ट पारे ।

“हामी कहाँ धेरै फाइल हुँदैनन् तर अड्काउने प्रवृत्ति राम्रो होइन,” मुख्यमन्त्री कार्कीले भने, “अब सात दिनभित्र फाइल किनारा लाग्नुपर्छ, नभए ढिलाइ हुनुको स्पष्ट कारणसहित जानकारी दिनुपर्नेछ।”

बिज्ञापन

मुख्यमन्त्री कार्कीले बेरुजु फछर्योटमा पनि कडाइ अपनाउन निर्देशन दिए । उनले कर्मचारीलाई लेखित अनुरोधमार्फत बेरुजु फछर्योट गर्न र त्यो नहुँदा कानुनी प्रक्रिया अवलम्बन गर्न भने। “नीतिगत र असुल गर्नुपर्ने बेरुजु छुट्याएर पुष मसान्तभित्र टुंग्याउनुहोस्,” उनको भनाइ थियो।

मुख्यमन्त्रीले सुशासनलाई सर्वोच्च प्राथमिकतामा राखेर प्रशासनिक र नीतिगत काम छरितो र प्रभावकारी ढंगले गर्नुपर्नेमा जोड दिए । उनले जनगुनासोको शतप्रतिशत सुनुवाइ सुनिश्चित गर्न र सरकारी सेवा जनताले प्रत्यक्ष अनुभूति गर्नेगरी प्रदान गर्न निर्देशन दिए ।
समीक्षा कार्यक्रममा मुख्यमन्त्री कार्कीले प्रदेश सरकारले अघि बढाएका उदय परियोजनाु, ब्याज अनुदान कार्यक्रमु, पर्यटन वर्षु, पदमार्ग आधारित पर्यटन विकास योजनाु, र लगानी सम्मेलनु जस्ता महत्वाकांक्षी कार्यक्रमहरूलाई प्राथमिकतामा राखेर कार्यान्वयन गर्न सम्बन्धित निकायहरूलाई आग्रह गरे ।

भने, “प्रदेश सरकार बनेपछि थुप्रै योजना अधुरो र अलपत्र अवस्थामा छन्। ती योजनाको विवरण संकलन गरी प्राथमिकताका आधारमा पुनः सञ्चालन गर्नु आवश्यक छ। यो अब अन्त्य हुनुपर्छ।”

मुख्यमन्त्री कार्कीले संघीय सरकारसँग समन्वय बढाउँदै प्रदेशभित्रका जनतामुखी कामहरूमा एकढिक्का भएर लाग्न पनि कर्मचारीहरूलाई निर्देशन दिए ।

कार्यक्रममा कोशी प्रदेश सरकारकी प्रमुख सचिव चन्द्रकला पौडेलले पनि बेरुजु फछर्योट,ओएन्डएम सर्वेक्षण, राजस्व कानुन लगायतका विषयहरूमा गम्भीर भएर काम गर्नुपर्ने बताए । समीक्षा कार्यक्रममा मन्त्रीहरू, सचिवहरू तथा मन्त्रालयका महाशाखा प्रमुखहरूको उपस्थिति रहेको थियो।

×

❮

❯