बिर्तामोड ।‌ कोशी प्रदेशका मुख्यमन्त्री हिक्मतकुमार कार्कीले अलैँची उत्पादनको वृद्धि र व्यवसाय प्रवर्द्धनमा प्रदेश सरकारले पुरा सहयोग गर्ने प्रतिबद्धता व्यक्त गरेका छन् ।

शुक्रबार झापाको बिर्तामोडमा आयोजित नेपाल अलैँची व्यवसायी महासङ्घको पाँचौं महाधिवेशनमा उहाँले अलैँचीको नर्सरीदेखि बजार प्रवर्द्धनसम्म प्रदेश सरकारले सहकार्य गर्ने बताए।

बिज्ञापन

उनले अलैँची उत्पादन र निकासी बढाउन नीतिगत निर्णय गर्दै स्रोतसाधन उपलब्ध गराउने प्रतिबद्धता पनि व्यक्त गरे ।

मुख्यमन्त्री कार्कीले साना र मझौला व्यवसायको प्रवर्द्धनका लागि स्वीस सरकारसँग सहकार्यमा ‘उदय’ परियोजना शुरु गरिएको जानकारी दिँदै भने, “रु ३० लाखदेखि तीन करोडसम्म साना तथा मझौला उद्योगमा लगानी गर्दैछौँ।” उनले अनुसार, अलैँची, चिया, बाँस र दुग्ध उत्पादन क्षेत्रको बजार र उत्पादन वृद्धि गरिएमा कोशी प्रदेश समृद्धिका मार्गमा तीव्र गतिमा अघि बढ्ने विश्वास व्यक्त गरे ।

चियाको कार्यालय काठमाडौँबाट उत्पादन क्षेत्रमा ल्याउनुपर्ने धारणा पनि राखे ।

नेपाल अलैँची व्यवसायी महासङ्घकी अध्यक्ष निर्मला भट्टराईले वार्षिक रु ७ अर्बदेखि रु १० अर्बको अलैँची निर्यात भइरहेको जानकारी दिँदै भोजपुर र सङ्खुवासभालाई समेटेर अलैँची ‘सुपरजोन’ स्थापना गर्न सरकारसँग आग्रह गरिन ।

महाधिवेशनमा १६ जिल्लाका प्रतिनिधिहरूले सहभागिता जनाएका थिए। यस अवसरमा उत्कृष्ट निर्यातक, उत्कृष्ट किसान र कर्मचारीलाई पुरस्कार पनि प्रदान गरिएको थियो।

×

❮

❯