काठमाडौं । काठमाडौं महानगरपालिकाले मनोहरा किनारको सुकुम्बासी बस्तीमा डोजर चलाएपछि स्थानीय र नगर प्रहरीबीच झडप भएको छ। घर टहरा हटाउन गएको महानगरको टोलीमाथि आक्रोशित स्थानीयहरूले ढुंगा प्रहार गरेका छन्।

काठमाडौं महानगरपालिकाको नगर प्रहरी र सुरक्षाका लागि साथमा गएको नेपाल प्रहरीको टोलीमाथि समेत ढुंगा मुढा गरिएको हो। आक्रोशित भिडले डोजरमा समेत तोडफोड गरेका छन्।

बिज्ञापन

महानगरको नगर प्रहरी टोलीले निजी जग्गामा अवैध रूपमा निर्माण गरिएका नयाँ संरचना हटाउन डोजर प्रयोग गरेको थियो। यसै क्रममा सुकुम्बासी र प्रहरीबीच तनावपूर्ण अवस्था सिर्जना भएको हो।

महानगरले साउन ८ गते सार्वजनिक सूचना जारी गर्दै ती संरचनाहरू हटाउन ७ दिनको समय दिएको थियो। तोकिएको समयसीमा नपुगेपछि सोमबार डोजर प्रयोग गरिएको हो।

स्थिति नियन्त्रणमा लिन नेपाल प्रहरीको थप टोली परिचालन गरिएको छ। घटनास्थलमा हाल तनावयुक्त शान्ति कायम गरिएको जनाइएको छ।

×

❮

❯