विराटनगर । कोशी प्रदेशको पर्यटन वर्षको कार्यक्रम व्यवस्थापन गर्न नसकेका र भुक्तानी विवादमा तानिएका पर्यटन, वन तथा वातावरण मन्त्रालयका सचिव विशाल घिमिरेको सरुवा भएको छ । प्रदेशबाट उनीसहित चार प्रदेश सचिवको संघमा सरुवा भएको छ ।

सचिव घिमिरेमाथि तेह्रथुममा भएको उद्घाटन कार्यक्रममा अनियमितता, होटलमा खाली बिल पेस गर्ने, समयमै भुक्तानी नगर्ने र निकट व्यक्तिहरूलाई ठेक्का दिँदै कमिसन लिने आरोप लाग्दै आएको थियो। उक्त भुक्तानी उनले व्यक्तिगत खाताबाट गरेपछि संसदमा समेत प्रश्न उठेको थियो। उनले २ लाख ७६ हजार रुपैयाँ बैंकबाट झिकेर होटलहरूलाई भुक्तानी गरेको सार्वजनिक लेखा समितिको बैठकमा स्वीकार गरेका थिए।

बिज्ञापन

घिमिरे लामो समयदेखि प्रदेशमा पदस्थापनमा थिए र मुख्यमन्त्रीको नजिकको व्यक्तिका रूपमा चिनिँदै आएका थिए। उनको विरुद्ध अख्तियारमा उजुरी परेको र सो प्रकरणमा अनुसन्धान सुरु भइसकेको जनाइएको छ।

घिमिरेको संघीय वन तथा वातावरण मन्त्रालयमा सरुवा गरिएको छ।

उनीसँगै सरुवा हुने अन्य सचिवहरू

अशोककुमार साह – भौतिक पूर्वाधार मन्त्रालयबाट संघीय शहरी विकास मन्त्रालय

डा. शरणकुमार पाण्डे – उद्योग, कृषि तथा सहकारी मन्त्रालयबाट संघीय कृषि मन्त्रालय

डा. राधिका थपलिया – स्वास्थ्य मन्त्रालयबाट संघीय स्वास्थ्य तथा जनसंख्या मन्त्रालय

संघीय सरकारबाट दुई सहसचिव कोशी प्रदेशमा पठाइएको छ। मिलन आचार्य भौतिक पूर्वाधार विकास मन्त्रालयको सचिव बन्ने छन् भने यदुचन्द्र घिमिरे स्वास्थ्य मन्त्रालयको जिम्मेवारी सम्हाल्नेछन्।

त्यस्तै, विराटनगर महानगरपालिकाको प्रमुख प्रशासकीय अधिकृतमा योगेन्द्रप्रसाद दुलालको सरुवा गरिएको छ। यसअघि सरुवा गरिएका रामचलित्र महतो मेयरको असहमतिका कारण महानगरमा हाजिर हुन नपाएका थिए, जसले महानगर ६ महिनासम्म कामचलाउ व्यवस्थामा चलेको थियो।

×

❮

❯