वीरगन्ज । वीरगन्जको नारायणी अस्पतालमा उपचारका क्रममा एक कैदीको मृत्यु भएपछि उनका आफन्तजनले अस्पतालअगाडि विरोध प्रदर्शन गरेका छन्। मृतकको परिवारले प्रहरी र प्रशासनको लापरवाहीले कैदीको ज्यान गएको आरोप लगाएका छन्।

वीरगन्ज महानगरपालिका-२५ का २८ वर्षीय राहुल साह तुराहा मंगलबार बिहान १०:३० बजे नारायणी अस्पतालमा उपचारका क्रममा निधन भएका हुन्। उनी कर्तव्य ज्यान मुद्दामा दोषी ठहर भई विगत पाँच वर्षदेखि वीरगन्ज कारागारमा सजाय भुक्तान गरिरहेका थिए।

बिज्ञापन

राहुलको मृत्युपछि आक्रोशित परिवारजन र आफन्तले अस्पतालअगाडि टायर बालेर प्रदर्शन गरेका थिए। उनीहरूले प्रहरी र प्रशासनविरुद्ध नाराबाजी गर्दै दोषीलाई कारबाहीको माग गरेका छन्।

नारायणी अस्पतालका सूचना अधिकारी डा. उदयनारायण सिंहका अनुसार, बिहान ८:३० बजे गम्भीर अवस्थामा रहेका राहुललाई कारागार प्रशासनले अस्पतालको आकस्मिक कक्षमा ल्याएको थियो। त्यसबेला उनको मुखबाट रगतसहितको फिज निस्किरहेको थियो। अवस्था जटिल भएकाले डाक्टरले आईसियूमा राखेर उपचार गर्नुपर्ने बताए पनि शैया खाली थिएन।

×

❮

❯