दमक। झापाको दमकमा आइतबार बिहान मर्निङ वाकका क्रममा दुई दिदीबहिनी जङ्गली हात्तीको आक्रमणमा परी गम्भीर घाइते भएका छन्।

दमक नगरपालिका–१ स्थित बरगाछी नजिक बिहान करिब ४ बजे स्थानीय सुनिता राई र कविता राईमाथि हम्सेदुम्से सामुदायिक वन क्षेत्रबाट आएको जङ्गली हात्तीले आक्रमण गरेको हो। मर्निङ वाक गर्दै गरेका बेला हात्तीले दुबैलाई उचालेर फ्याँकेको बताइएको छ।

बिज्ञापन

घटनापछि स्थानीयवासीले तत्काल उद्धार गरी दुबैलाई दमक अस्पताल पुर्‍याए पनि अवस्था गम्भीर देखिएपछि थप उपचारका लागि बिराटनगर रिफर गरिएको वडाध्यक्ष हरिप्रसाद न्यौपानेले जानकारी दिए।

सामुदायिक वन क्षेत्र नजिकैको बस्तीमा हात्तीको नियमित प्रवेशले जोखिम बढेको भन्दै स्थानीयवासी त्रसित भएका छन्।

×

❮

❯