विराटनगर । मोरङ उद्योग वाणिज्य संघले शुक्रबार एक कार्यक्रमको आयोजना गरी नवनिर्वाचित सुनसरी उद्योग वाणिज्य संघको अध्यक्ष गोपाल श्रेष्ठसहितको नयाँ कार्यसमितिलाई बधाई तथा स्वागत गरेको छ।

मोरङ उद्योग वाणिज्य संघका अध्यक्ष अनुपम राठीले सुनसरी उद्योग वाणिज्य संघको नयाँ नेतृत्वलाई सफल कार्यकालको शुभकामना दिँदै मोरङ–सुनसरी औद्योगिक कोरिडोरको विकासका लागि दुवै संघले आपसी सहकार्यलाई अझ मजबुत बनाउने अपेक्षा व्यक्त गरे।

बिज्ञापन

कार्यक्रममा पूर्व अध्यक्ष नवीन रिजालले नेपालमा औद्योगिकीकरणको ढोका खोल्ने यस क्षेत्रमा द्विपक्षीय सहकार्य अत्यावश्यक रहेको बताए।

उनले सरकारसँग व्यवसायमैत्री नीति ल्याउन दवाव दिन दुवै संघले संयुक्त पहल गर्नुपर्नेमा जोड दिए।

कार्यक्रममा नवनिर्वाचित अध्यक्ष श्रेष्ठले सुनसरी उद्योग वाणिज्य संघको नेतृत्व गर्न पाउनु गौरवको विषय भएको बताउँदै, “नेपालको औद्योगिक विकासका लागि मोरङ–सुनसरी क्षेत्रको संयुक्त भूमिका अपरिहार्य छ,” भने।

कार्यक्रममा मोरङ उद्योग वाणिज्य संघका पदाधिकारी, कार्यसमिति सदस्य, महिला र युवा समितिका सदस्यहरूको उपस्थिति थियो।

×

❮

❯