विराटनगर । विराटनगरको पोखरिया माविले ७ लाख ६४ हजार रुपैयाँ छात्रवृत्ति वितरण गरेको छ ।

कार्यक्रम गरी सेवा निवृत्त शिक्षकहरू सुशीला खनाल, लक्ष्मणबाबु दाहाल, तारावीर श्रेष्ठ र राधिका शर्मालाई पनि सम्मान गरेकाे छ । सबैलाई दोसल्ला ओढाएर मायाको चिनो दिइयो । पठन पाठनमा गरेकाे योगदानप्रति विद्यालयका प्रधानाध्यापक खेमराज भट्टराईले उनीहरुलाइ धन्यवाद दिए ।

बिज्ञापन

शिक्षक तारादेव दाहालले ३० वर्षसम्म हजारौँ विद्यार्थीलाई पढाउन पाएकोमा सन्तोष भएकाे बताए । कार्यक्रममा विभिन्न कक्षाका ३१ जना विद्यार्थीलाई दुई दुई हजारका दरले पैसा वितरण गरियो । कक्षामा प्रथम, द्वितीय र तृतीय हुने विद्यार्थीले क्रमशः ४ हजार, ३ हजार र २ हजार रुपैयाँ पाए । ३० जना विद्यार्थीलाई प्रोत्साहनस्वरूप रकम वितरण गर्दा १ लाख ७४ हजार रुपैयाँको खर्च भएकाे प्रअ भट्टराईले बताए ।

कक्षा ११ का विज्ञानका २० जना र व्यवस्थापनका ५ जना गरी थप २५ जनालाई ५ लाख ७६ हजार रुपैयाँ वितरण गरिएको प्रअ भट्टराइले सुनाए । विद्यालयको गायत्री भवानी भट्टराई स्मृति कोष र लक्ष्मी स्मृति कोषमार्फत ५ जना गरिब तथा जेहेन्दार विद्यार्थीलाई रकम प्रदान गरियाे । विशेष प्रतिभा भएका २ विद्यार्थीलाई पनि दुई दुई हजार दिइयो ।

विद्यालय व्यवस्थापन समितिका अध्यक्ष कृष्णप्रसाद गौतमले पोखरिया मावि हरेक क्षेत्रमा अग्रणी रहेको दाबी गरे । शिक्षा विकास तथा समन्वय इकाइ मोरङका प्रमुख जीवन गड्तौलाले पोखरिया स्कुलको पढाई राम्रो भएको बताए ।

×

❮

❯