महोदय, म त देश निकाला भएं
हो देश निकाला भए
फलानो छिमेकीको अरबबाट रेमिट्यान्स आयो रे
जेठानका छोरा क्यानाडामा पीआर भयो रे
अस्ट्रेलियामा नर्स मेरी साली उतै पोइला गइन अरे
म त आफ्नै देशमा अनागरिक भएं
हो महोदय, म त देश निकाला भएं !

डिग्री गरेर देशलाइ बोक्ने भरिया हुन्छु सोचेको थिएं
राबरको पेट भर्न मात्र देश लुकाउनु पर्छ
मैले कहाँ पढेको थिए ?
अवस्था व्यवस्था के हो ? बुझिदैन गाँठे
नेपालको लागि नेपाली मात्र भैदिए पुग्ने
पहिचान नै फेरेर देश हाप्छु बरै
म त देश निकाला भए
हो महोदय, म त देश निकाला भए !

-सुशान्त बानिया

×

❮

❯