तर यो गति निकै सुस्त हिसाबले चलेको छ । केही निश्चित कम्पनीहरुको दैनिक कारोबार रकम उच्च छ । तर समग्र बजारको कारोबार रकम भने न्यून नै रहेको पाइन्छ ।
केन्द्रीय बैंकले हालैमात्र ठूला कर्जाका लागि जोखिमभार कम गरेकाले ठूला तथा संस्थागत लगानीकर्ताहरुले विस्तारै तयारी गरिरहेको बजारमा विश्ल्ेषणहरु भइरहेका छन् ।
यसकारण पनि साइडवेजको समय लामो र एकुमुलेसन प्रक्रिया सुस्त हुन गएको देखिन्छ ।
बजारले निकै लामो समय साइडेजमा बिताएका छ । अब असार लागेसँगै बजारले केही सय अंकको तलमाथि गरेर समग्रमा साइडवेज समय बिताएको पनि करिब ११ महिना हुन्छ । यो भनेको निकै लामो समयअवधि हो ।
महिनौंदेखि नेप्से २५ सयमाथि र २८ सय विन्दुमुनि घुमिरहेको छ । अर्थात् करिब ३ सय अंकलाई आधार बनाएर नेप्से घुमेको घुम्यै छ । गत वर्ष करिब ३ हजारको आसपासमा पुगेर फर्किएपछि नेप्सेले उक्त विन्दुसम्म पुग्नै सकेको छ । त्यसभन्दा तल नै रहेर घुमेको घुम्यै छ । यसआधारमा हेर्दा बजार निकै लामो समय औसतमा सीधा रेखामै रहेको देखिन्छ ।
नेप्से २५ सयआसपासबाट तल झर्न नसकेकाले यसको यात्रा अब माथितिरकै हुने धेरैको बुझाई र विश्लेषण छ । विभिन्न सूचकहरुले पनि यही सम्भावनालाई संकेत गरिरहेको छ । मुख्य कुरा बैंक ब्याजदर निकै तल्लो विन्दुमा झरेको छ ।
यतिबेला बैंकमा निक्षेप राखेर खासै ब्याज आउने अवस्था छैन । यसकारण निक्षेपकर्ताहरु विकर्षित भइरहेको देखिन्छ ।
यस्तै, लगानीका अन्य क्षेत्रहरु संकुचित भएका छन् । घरजग्गा व्यवसाय समस्यामा परेको छ । नयाँ उद्योगधन्दा पनि खासै खुल्न सकेको छैन । समग्र अर्थतन्त्र अझै मन्दीमै छ ।
यस्तो अवस्थामा सुरुवातमा सेयर बजारले नै सकारात्मक संकेतहरु दिन सक्ने अनुमान गरिएको छ । थला परेको अर्थतन्त्र सुधारको प्रस्थान विन्दु सेयर बजार हुन सक्ने संकेत देखिएको छ ।
शुक्रबार, साउन ०९, २०८२
शुक्रबार, साउन ०९, २०८२
