काठमाडौँ । भोटेकोसी नदीमा आएको विनाशकारी बाढीका कारण ज्यान गुमाउनेको संख्या १ हजार ११४ पुगेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बुधबार बिहान ९ बजेसम्म विभिन्न जिल्लाबाट १ हजार ११४ जनाको शव फेला परेको छ। जसमध्ये चितवनमा ३ break४८, नवलपरासी पूर्वमा २१७, पश्चिम नवलपरासीमा १९० र नुवाकोटमा १५५ जनाको शव भेटिएको छ। त्यसैगरी गोरखामा ६६, धादिङमा ५९, रसुवामा ४१ र तनहुँमा ३८ जनाको शव फेला परेको प्राधिकरणले जनाएको छ।

विज्ञापन

हालसम्म प्राप्त विवरण

सनाखत र शव हस्तान्तरण: फेला परेका शवहरूमध्ये ९५ जनाको पहिचान (सनाखत) भई आफन्तले बुझिसकेका छन्।

बेपत्ताको अवस्था: बाढीका कारण अझै ३ हजार ९१६ जना नागरिक सम्पर्कविहीन रहेका छन्।

उद्धार तथा उपचार: प्रभावित क्षेत्रहरूबाट २९२ जना घाइतेको उद्धार गरी उपचार भइरहेको छ भने हालसम्म कुल ११ हजार ९९३ जनाको सकुशल उद्धार गरिएको प्राधिकरणले जानकारी दिएको छ।

बाढी प्रभावित जिल्लाहरूमा अहिले पनि खोजी, उद्धार र राहत कार्यलाई तीव्रता दिइएको छ।

×

❮

❯