काठमाडौँ । सरकारले अपर त्रिशूली ‘ए’ जलविद्युत् आयोजनाको सुरुङ (टनेल) भित्र फसेका मजदुरहरूको द्रुत उद्धारका लागि (विशेष) हेलिकप्टर परिचालन गरेको छ।

नेपाल विद्युत् प्राधिकरणले उद्धारका लागि आवश्यक थप सामग्री र टोली परिचालन गरी सुरुङभित्र फसेका व्यक्तिहरूको उद्धार कार्यलाई थप प्रभावकारी र तीव्रता दिएको जनाएको छ।

बिज्ञापन

असार/भदौको विपद्का बीच कठिन भौगोलिक बनावट र प्रतिकूल मौसमका बाबजुद उद्धार टोलीले बिहीबार ३५० जनाको उद्धार गरिसकेको थियो भने शुक्रबार सुरुङभित्रबाट थप २ जना मजदुरको सकुशल उद्धार गरिएको छ।

प्राधिकरणका अनुसार विकट भौगोलिक स्थिति र मौसमका कारण त्यस क्षेत्रमा उद्धार कार्य निकै चुनौतीपूर्ण बनेकाले सरकारीस्तरबाटै विशेष हेलिकप्टरमार्फत नियन्त्रण र उद्धार टोलीलाई परिचालन गरिएको हो।

सुरुङभित्र बाँकी रहेका अन्य सम्भावित व्यक्तिहरूको खोजी तथा उद्धार कार्य जारी राखिएको छ।

×

❮

❯