विराटनगर । नेपाली कांग्रेसका नेता डा. शेखर कोइरालाले पार्टीको पदाधिकारी बैठकमा प्रधानमन्त्री केपी शर्मा ओलीले दिएको अभिव्यक्तिको विषयमा चर्चा नभई आफ्नोबारे हुँदा खुसी लागेको बताएका छन् ।

विराटनगरमा मंगलबार आयोजित एक कार्यक्रममा कोइरालाले भने,“प्रधानमन्त्रीको पछिल्लो अभिव्यक्ति निरंकुशताको सुरूवात हो । त्यो विषयमा छलफल नभएर मैले बोलेको विषयमा भएछ । खुसी लागेको छ ।”

बिज्ञापन

प्रधानमन्त्रीले जेठ १५ गते काठमाडौ एमालेको नियन्त्रणमा हुनुपर्छ भन्दै दिएको अभिव्यक्ति प्रति कांग्रेस नेताहरुले टिप्पणी गर्दै आएका छन् । नेता कोइरालाले भने भिजिट भिषा प्रकरणमा गृहमन्त्रीले नैतिकता देखाएर राजीनामा दिनुपर्छ भनेका थिए । उनको यो विचारलाई केन्द्रीत गर्दै कतिपय कांग्रेस नेताले अनुशासनको कार्वाही हुनुपर्ने बताएका थिए ।

“मैले सोचेको थिएँ कांग्रेसको बैठकमा प्रधानमन्त्रीको बोलीबारे छलफल हुन्छ तर, मेरो बारे छलफल भएछ । मलाई खुसी लाग्यो,” कोइरालाले भने ।
कोइरालाले लोकतन्त्रमा बोल्ने र आफ्नो अधिकारबारे विचार राख्ने सबैलाई छुट भएको पनि बताए ।

×

❮

❯