विराटनगर । जथाभावी सडकमा मकै सुकाउँदा दुर्घटनाको जोखिम बढेपछि मोरङको रंगेली नगरपालिकाले हटाउन शुरु गरेको छ ।

स्थानीयले सडकमै मकैको विस्कुन लगाउँदा केही दिनअघि ट्याक्टर दुर्घटनामा परेको थियो । थप दुर्घटना हुन नदिन र जोमिख घटाउन मकैको विस्कुन हटाउन थालिएको रंगेली नगरपालिकाले जनाएको छ ।

यसबारे स्थानीयलाई सचेत गराउन रंगेली नगरपालिकाले सार्वजनिक सूचना जारी गर्दै हुलाकी राजमार्ग तथा काली मन्दिरदेखि कानेपोखरीसम्मको सडक खण्डमा कृषि जन्य उत्पादन वस्तुहरू (जस्तै मकै, गहुँ, धान आदि) नसुकाउन स्थानीयलाई अपिल गरेको थियो ।

सडकमा सुकाइएको मकै हटाउन नगरपालिकाले नगर प्रहरी परिचालन गरेको छ ।

तस्बिर साैजन्य : आवर प्रदेश

×

❮

❯