विराटनगर । सुनसरीमा मालबाहक ट्रक पल्टिँदा पाँच जनाको मृत्यु भएको छ।

भोक्राहा नरसिंह गाउँपालिका–८ स्थित सोनीयाहीमा बिहीबार बिहान ट्रक दुर्घटना हुँदा पाँच जना कामदारको ज्यान गएको जिल्ला प्रहरी कार्यालय सुनसरीले जनाएको छ।

बिज्ञापन

विराटनगरबाट मार्बल बोकेर राजविराजतर्फ जाँदै गरेको को १ ख ४५४१ नम्बरको ट्रक बिहान करिब ५:३० बजे अनियन्त्रित भई पल्टिएको हो।

सुनसरीका डीएसपी चन्द्र खड्काका अनुसार ट्रकमा लोड गरिएको मार्बलले किचिएर पाँचै जना कामदारको मृत्यु भएको हो। उनीहरू ट्रकको मार्बलमाथि बसेका थिए।

मृत्यु हुनेमा ३२ वर्षीय धिरेन्द्र गुरुङ, ५५ वर्षीय बर्मदेश गुरुङ, ५० वर्षीय टंक गुरुङ, अन्दाजी ४५ वर्षका चन्द्र गुरुङ र २८ वर्षीय निशु गुरुङ रहेका छन्। सबै मृतक एउटै गाउँका बासिन्दा रहेको प्रहरीले जनाएको छ।

उनीहरु बर्जु गाउँपालिका १ का हुन । को१ख ४५४१ नम्बरको ट्रक लौकही हुलाकी मार्गमा पल्टिएको थियो ।

दुर्घटनामा तीन जना सामान्य घाइते भएका छन्।

दुर्घटनापछि फरार भएका ट्रक चालकको खोजी कार्य जारी रहेको प्रहरीले जनाएको छ।

×

❮

❯