काठमाडौं । राष्ट्रिय स्वतन्त्र पार्टी (रास्वपा)ले कुलमान घिसिङ नेतृत्वको उज्यालो नेपाल समूहसँग सम्बन्धित १७ जना समानुपातिक उम्मेदवारको नाम हटाउँदै सूची अद्यावधिक गरेको छ।

आइतबार बिहान निर्वाचन कार्यालयमा बुझाइएको अद्यावधिक सूचीअनुसार दलित क्लस्टरको पहिलो नम्बरमा रहेकी रीमा विश्वकर्माबाहेक कुलमान पक्षका अन्य सबै उम्मेदवारको नाम हटाइएको छ। रास्वपाका एक नेताका अनुसार रीमा विश्वकर्मा रास्वपामै रहने भएपछि उनको नाम मात्र यथावत् राखिएको हो।

बिज्ञापन

“उज्यालो नेपालसँगको सहमति तोडिएपछि कुलमान पक्षका १७ जना समानुपातिक उम्मेदवारको नाम काटिएको हो,” ती नेताले बताए।

यसअघि उज्यालो नेपाल पार्टीसँग उपसभापति पद तथा समानुपातिक सूचीमा ३० प्रतिशत हिस्सा दिने सहमति भएको थियो। तर उक्त सहमति शनिबार (पुस २६) औपचारिक रूपमा तोडिएको थियो।

रास्वपाका अनुसार कुलमान पक्षका १७ जना हटाइएपछि रास्वपा र बालेन पक्षका गरी ११० जना समानुपातिक उम्मेदवारको सूची अद्यावधिक गरिएको छ।

×

❮

❯