काठमाडौं। भारतको गोवाको उत्तरी क्षेत्रमा रहेको अर्पोराको एक नाइटक्लबमा ग्यास सिलिन्डर विस्फोट भई लागेको आगलागीमा २३ जनाको ज्यान गएको छ।

प्रहरीका अनुसार किचनमा काम हुँदै गर्दा अचानक सिलिन्डर फुटेपछि आगो फैलिएको हो।

समाचार एजेन्सी पीटीआईका अनुसार गोवा डीजीपी आलोक कुमारले राति १२ः०४ बजे घटना सम्बन्धी जानकारी प्राप्त भएपछि प्रहरी, दमकल र एम्बुलेन्सको टोली तुरुन्तै घटनास्थलतर्फ पठाइएको बताए। उनका अनुसार सबै शव फेला पारिएको छ।

आगो क्लबको भुइँतलामा रहेको किचनबाट सुरु भएको पुष्टि भएको छ र घटनामा २३ जनाले ज्यान गुमाएका छन्।

स्थानीय बासिन्दा तथा कर्मचारीहरूले बताएअनुसार आगलागीका बेला क्लबमा कामदारहरूका साथै केही अन्य व्यक्तिहरू पनि उपस्थित थिए। मृतकमध्ये चारजना पर्यटक रहेको पनि पुष्टि भएको छ।

२३ जनामध्ये तीनजनाको मृत्यु आगोले जलेर र बाँकीको धुँवामा निसास्सिएर भएको इन्डियाटुडेको रिपोर्टमा उल्लेख छ।

×

❮

❯