काठमाडौं । नेकपा (एमाले)का नेता महेश बस्नेतमाथि आइतबार (मंसिर ७) मोरङको विराटनगरमा आक्रमणको प्रयास भएको छ। स्थानीय अर्पित कुँवरले बस्नेतको गाडीमा मसी छ्यापेका हुन्।

कुँवरले आफूले कसैलाई निषेध नगरेको बताएका छन्। उनका अनुसार विरोधका विभिन्न शैली हुन सक्छन्। उनले भने, “विरोध गर्ने शैली हुन्छ, मैले कसैलाई निषेध गरेको हैन। मैले उहाँहरूको शैली र प्रवृत्तिलाई कालो झन्डा देखाएको हुँ।”

बिज्ञापन

कुँवरले भदौ २३ गते मच्चाइएको हत्याकाण्डको विरोधमा बस्नेत सवार गाडीमा रातो मसी छ्यापेको बताएका छन्। मसी छ्यापिएलगत्तै प्रहरीले उनलाई नियन्त्रणमा लिएको छ।

कुँवरलाई जिल्ला प्रहरी कार्यालय मोरङको हिरासतमा राखिएको छ। घटना तब भएको हो जब बस्नेत सुनसरीको इटहरीमा आयोजना गरिएको कार्यक्रममा सहभागी हुन विराटनगर विमानस्थलबाट बाहिर निस्किँदै थिए।

×

❮

❯