विराटनगर । छठ पर्वको अवसरमा विराटनगरका विभिन्न छठघाटहरू सरसफाई गर्न शुरु गरिएको छ। विशेषगरी सिंघिया र केशलिया खोलामा छठ पर्व धूमधामका साथ मनाइने गरिएको छ।

सिंघिया खोलाको घिनाहा घाटदेखि हाटखोलासम्मको क्षेत्रमा सरसफाई अभियान चलाइएको छ। साथै, सुनसरी–मोरङ सिचाई आयोजनाको नहरमा पनि विशेष रूपमा छठ मनाइने भएकाले विराटनगर महानगरपालिकाको सहयोगमा सफाइ गरिएको छ। नहरका केही भागमा स्थायी पक्की पूजास्थल समेत निर्माण भइसकेको छ।

महानगरपालिकाका अनुसार, ती पूजास्थलमा वडा कार्यालय र स्थानीयबासी स्वयं सरसफाईमा खटिएका छन्।

वडा नम्बर ६ का वडाध्यक्ष अक्षय सहनीले पूजास्थलहरूमा विभिन्न टोल समितिको अगुवाइमा पनि सरसफाई अभियान सुरु भएको जानकारी दिएका छन्।

×

❮

❯